கடந்த சில மாதங்களாகவே சோஷியல் மீடியா உட்பட எங்கு பார்த்தாலும் வாரிசு, துணிவு படங்கள் மோதல் குறித்த பேச்சுக்களே நிறைந்து இருக்கிறது. ரிலீசுக்கு முன்பாக கட் அவுட் வைப்பது, திரையரங்குகள் ஒதுக்குவது, போஸ்டர்கள் ஓட்டுவது என இரண்டு தரப்பினரும் போட்டி போட்டு வந்தனர். தற்போது பட ரிலீசுக்கு பின்பாக ‘யார் பெரிய ஆளுன்னு அடிச்சுக்காட்டு’ என்பதை போல எந்தப்படம் எவ்வளவு வசூலித்துள்ளது என்பது குறித்து தினமும் விவாதம் நடந்து வருகிறது.
கடந்த 11 ஆம் தேதி திரையரங்குகளில் வெளியான ‘துணிவு’ படம் ரசிகர்கள் மத்தியில் அமோக வரவேற்பினை பெற்று வருகிறது. அதே போல் ‘வாரிசு’ படம் அதே நாளில் வெளியாகி கலவையான விமர்சனங்களை பெற்று வருகிறது. இந்த இரண்டு படங்களும் போட்டி போட்டு வசூலில் மாஸ் காட்டி வருகிறது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
‘துணிவு’ படத்தில் அஜித்துடன் மஞ்சுவாரியர், சமுத்திரக்கனி, ஜி.எம்.சுந்தர், மகாநதி சங்கர், ஜான் கொக்கன், தர்ஷன், அமீர், பாவனி உள்ளிட்ட பலர் முக்கிய கதாபாத்திரங்களில் நடித்துள்ளனர். போனி கபூர் தயாரித்துள்ள இந்த படத்தின் தமிழ்நாடு வெளியீட்டு உரிமையை உதயநிதி ஸ்டாலினின் ரெட் ஜெயண்ட் மூவிஸ் நிறுவனம் கைப்பற்றியது.
அதே போல் விஜய்யின் ‘வாரிசு’ படம் பேமிலி சென்டிமென்ட்டை மையமாக வைத்து உருவாகியுள்ளது. வம்சி பைடிபல்லி இயக்கியுள்ள இந்தப்படத்தில் விஜய் ஜோடியாக ராஷ்மிகா நடித்துள்ளார். மேலும் சரத்குமார், பிரபு, ஷாம், ஸ்ரீகாந்த், பிரகாஷ் ராஜ், ஜெயசுதா, சங்கீதா, எஸ்.ஜே. சூர்யா, யோகி பாபு உள்ளிட்ட பல முன்னணி நட்சத்திரங்கள் விஜய்யுடன் இணைந்து நடித்துள்ளனர்.
PS 2: ‘பொன்னியின் செல்வன் 2’ படக்குழுவின் அடுத்த அதிரடி: ரசிகர்களுக்கு காத்திருக்கும் ட்ரீட்.!
இரண்டு படங்களும் வெவேறு ஜானரில் உருவாகியிருந்தாலும் ரசிகர்களிடம் கலவையான விமர்சனங்களையே பெற்று வருகிறது. இதனிடையில் ‘வாரிசு’ படம் கடந்த 7 நாட்களில் மட்டுமே 210 கோடி ரூபாய் வசூலை எட்டியுள்ளதாக தயாரிப்பு தரப்பு அறிவித்துள்ளது. ‘துணிவு’ படம் 200 கோடி ரூபாய் வசூலித்துள்ளதாக கூறப்படுகிறது. இதனை வைத்து சோஷியல் மீடியாவில் பல விவாதங்கள் நடந்து வருகிறது.
Thunivu: வசூல் குறித்து பொய்யான தகவல்: ‘துணிவு’ பட இயக்குனர் அதிரடி.!
இந்நிலையில் இந்த சண்டைகள் குறித்து நடிகர் விஷ்ணு விஷால் அதிரடியான பதிவு ஒன்றை தனது ட்விட்டர் பக்கத்தில் பகிர்ந்துள்ளார். அதில், படங்களை படமாக பாருங்கள். உங்களுடைய ஹீரோக்களை கொண்டாடுங்கள். உடனடியாக இந்த சண்டைகளை நிறுத்துங்கள் என காட்டமாக பதிவிட்டுள்ளார். அவரின் இந்த பதிவு தற்போது சோஷியல் மீடியாவில் வைரலாகி வருகிறது.