தமிழ் சினிமாவில் கடந்த நாற்பது ஆண்டுகளாக சூப்பர்ஸ்டாராக வலம் வருகின்றார் ரஜினி. குணச்சித்திர கதாபாத்திரங்களில் நடித்து தன் திரைப்பயணத்தை துவங்கிய ரஜினி படிப்படியாக முன்னேறி இன்று சூப்பர்ஸ்டார் அந்தஸ்தை நிரந்தரமாகியுள்ளார்.
வெற்றிக்கு மேல் வெற்றிகளை குவித்து வந்த ரஜினி தற்போது ஒரு வெற்றிப்படத்திற்காக காத்துக்கொண்டிருக்கிறார். எந்திரன் படத்திற்கு பிறகு ரஜினியின் நடிப்பில் வெளியான படங்கள் சொல்லிக்கொள்ளும் அளவிற்கு வெற்றிகளை பெறவில்லை.
Varisu: வாரிசு வெற்றி கொண்டாட்டத்தின் பிண்ண்னி..இதுதான் உண்மையான காரணமா ?
குறிப்பாக கடைசியாக வெளியான அவரது அண்ணாத்த திரைப்படம் மிகப்பெரிய தோல்வியை சந்தித்து ரஜினி ரசிகர்களையே சோதித்தது. இதன் காரணமாக ரஜினியின் மீது சில விமர்சனங்கள் வைக்கப்பட்டன. எனவே தன் அடுத்த படத்தின் மூலம் மிகப்பெரிய வெற்றியை கொடுத்து அந்த விமர்சனங்களுக்கு பதிலடி கொடுக்கும் முனைப்பில் இருக்கின்றார் ரஜினி.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் தற்போது நெல்சனின் இயக்கத்தில் ஜெயிலர் படத்தில் நடித்து வருகின்றார் ரஜினி. சன் பிக்சர்ஸ் நிறுவனம் தயாரிக்க அனிருத் இப்படத்திற்கு இசையமைத்து வருகின்றார். ஆக்ஷன் கலந்த டார்க் காமெடி படமாக உருவாகிவரும் ஜெயிலர் படத்தின் படப்பிடிப்பு தற்போது விறுவிறுப்பாக நடைபெற்று வருகின்றது.
ரஜினியுடன் இப்படத்தில் ரம்யா கிருஷ்ணன், யோகி பாபு, வசந்த் ரவி ஆகியோர் நடித்து வருகின்றனர். இதைத்தொடர்ந்து மோகன்லால், ஷிவ்ராஜ்குமார் என மற்ற மாநிலங்களை சேர்ந்த சூப்பர்ஸ்டார் நடிகர்களும் இப்படத்தில் நடிக்க படத்தின் மீதான எதிர்பார்ப்பு இரட்டிப்பாகியுள்ளது.
இந்நிலையில் ஜெயிலர் திரைப்படம் ஏப்ரல் அல்லது மே மாதத்தில் திரையில் வெளியாகும் என எதிர்பார்த்த நிலையில் தற்போது இப்படம் ஆகஸ்ட் மாதம் வெளியாகும் என தெரிகின்றது. ஏப்ரல் மாதம் பொன்னியின் செல்வன் படத்தின் இரண்டாம் பாகம் வெளியாவதால் ஜெயிலர் படத்தை ஆகஸ்ட் மாதம் தள்ளிவைக்க ரஜினி மற்றும் படக்குழுவினர் முடிவெடுத்துள்ளதாக பேசப்பட்டு வருகின்றது. இதனை கேள்வி பட்ட ரசிகர்கள் இதுவும் சரியான முடிவுதான் என கருத்து தெரிவித்து வருகின்றனர் என்பது குறிப்பிடத்தக்கது
.