சாகுந்தலம் படத்திற்காக 30 கிலோ எடை கொண்ட புடவை அணிந்து நடித்த சமந்தா!

சமந்தா கதையின் நாயகியாக நடித்து வெளியான யசோதா படம் வெற்றி பெற்றதை அடுத்து வருகிற பிப்ரவரி 17ஆம் தேதி மீண்டும் அவர் கதாநாயகியாக நடித்துள்ள இன்னொரு படமான சாகுந்தலம் திரைக்கு வருகிறது. புராண கதையில் உருவாகி உள்ள இந்த படத்தின் டீசர் சமீபத்தில் வெளியாகி பெரிய அளவில் வரவேற்பு பெற்றது. இந்த படத்தில் சமந்தாவுடன் தேவ் மோகன், பிரகாஷ்ராஜ், மோகன் பாபு, அதிதி பாலன் உள்ளிட்ட பலர் முக்கிய வேடங்களில் நடித்திருக்கிறார்கள்.

இந்த நிலையில் தற்போது இந்த படத்தில் உயர்ரக கற்கள் பதிக்கப்பட்ட 30 கிலோ எடை கொண்ட ஒரு புடவையை அணிந்து ஒரு வார காலம் சமந்தா நடித்திருப்பதாக ஒரு தகவல் வெளியாகி இருக்கிறது. அதேபோன்று 3 கோடி ரூபாய் மதிப்புள்ள தங்க ஆபரணங்களை அணிந்தும் இந்த படத்தில் சமந்தா நடித்துள்ளாராம். அப்படி தங்க, வைர நகைகள் அணிந்து புராண கால கெட்டப்பில் சமந்தா நடித்துள்ள புகைப்படங்களும் தற்போது சோசியல் மீடியாவில் வைரலாகி வருகிறது.

Leave a Comment

This site uses Akismet to reduce spam. Learn how your comment data is processed.