‛மைக்கேல்' விமர்சனம் : அனைவரையும் திருப்திபடுத்தும் படைப்பு இல்லை – ரஞ்சித் ஜெயக்கொடி
'புரியாத புதிர்', 'இஸ்பெட் ராஜாவும், இதயராணியும்' படங்களின் இயக்குனர் ரஞ்சித் ஜெயக்கொடி இயக்கத்தில் கடந்தவாரம் வெளியாகி உள்ள படம் ‛மைக்கேல்'. சந்தீப் கிஷன், திவ்யான்ஷா, விஜய்சேதுபதி, வரலட்சுமி, கவுதம் மேனன் உள்ளிட்டோர் நடித்திருந்தனர். இந்த படத்திற்கு கலவையான விமர்சனங்கள் வந்துள்ளன.
விமர்சனங்களுக்கு பதிலளித்து ரஞ்சித் ஜெயக்கொடி பதிவிட்டு இருப்பதாவது : ‛‛உங்கள் கருத்துகளுக்கு எனது அன்பு. எனது எல்லாப் படைப்புகளையும் போலவே மைக்கேல் திரைப்படமும் என் இதயத்துக்கு நெருக்கமான ஒன்றுதான். அதற்கும் என் 100% உழைப்பையே கொடுத்திருக்கிறேன். அனைவரையும் திருப்திபடுத்தக்கூடிய படைப்பு என்ற ஒன்று இல்லை. ஒவ்வொருவருக்கும் ரசனையும் விருப்பத்தேர்வும் மாறுபடவே செய்யும். மைக்கேல்-ஐ ரசித்தவர்களுக்கு நன்றி; மாறுபட்ட கருத்துக் கொண்ட ரசிகர்களுக்கு, அடுத்த முறை உங்களையும் கவரும் ஒரு சினிமாவுக்காக உழைக்கத் தயாராக இருக்கிறேன். உங்கள் அனைத்து கருத்துக்களையும் மதிக்கிறேன்''.
இவ்வாறு தெரிவித்துள்ளார்.