தமிழ் சினிமாவில் கடந்த நாற்பது ஆண்டுகளாக சூப்பர்ஸ்டாராக வலம் வருகின்றார் ரஜினி. குணச்சித்திர நடிகராக தன் திரைப்பயணத்தை ஆரம்பித்த ரஜினி பின்பு வில்லனாக மிரட்டினார். அதைத்தொடர்ந்து மெல்ல மெல்ல ஹீரோவாக முன்னேறி பல வெற்றிப்படங்களை கொடுத்து சூப்பர்ஸ்டார் அந்தஸ்தை அடைந்தார் ரஜினி.
எளிமையான தோற்றம், அனைவரையும் ஈர்க்கும் வசனம், அசத்தும் ஸ்டைல் என தனக்கென்ன தனி ஸ்டைலை உருவாக்கினார் சூப்பர்ஸ்டார். இந்நிலையில் கடந்த சில ஆண்டுகளாக ரஜினி நடிப்பில் வெளியான திரைப்படங்கள் சொல்லிக்கொள்ளும் அளவிற்கு வெற்றிகளை பெறவில்லை.
Sivakarthikeyan: கோலிவுட்டின் பிரின்ஸ் சிவகார்த்திகேயனின் முழு சொத்து மதிப்பு..அடேங்கப்பா..!
சொல்லப்போனால் எந்திரன் படத்திற்கு பிறகு ரஜினியின் படங்கள் மெகாஹிட் வெற்றிகளை பெறவில்லை. குறிப்பாக கடைசியாக வெளியான அண்ணாத்த திரைப்படம் மோசமான விமர்சனங்களை சந்தித்து தோல்வியை அடைந்தது. என்னதான் சூப்பர்ஸ்டார் ரஜினியாக இருந்தாலும் தொடர் தோல்விகளினால் அவரும் விமர்சனத்திற்கு ஆளானார்.
காரை கயிறு கட்டி இழுத்த கூல் சுரேஷ் !
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
அந்த விமர்சனங்களுக்கெல்லம் பதிலளிக்கும் வகையில் தற்போது அடுத்தடுத்த படங்களில் நடித்து வருகின்றார் ரஜினி. நெல்சன் இயக்கத்தில் உருவாகும் ஜெயிலர் திரைப்படத்தில் நடித்து வரும் ரஜினி அடுத்ததாக ஐஸ்வர்யா இயக்கும் லால் சலாம் படத்திலும் நடிக்கவுள்ளார். இதையடுத்து லைக்கா தயாரிப்பில் மேலும் ஒரு திரைப்படத்தில் ரஜினி நடிக்கவுள்ளார்.
இந்நிலையில் தற்போது அடுத்த சூப்பர்ஸ்டார் யார் என்ற கேள்வியை சிலர் எழுப்ப அது ரஜினி ரசிகர்களை சீண்டியுள்ளது. சமீபத்தில் விஜய் தான் அடுத்த சூப்பர்ஸ்டார் என சரத்குமார் கூறியது மிகப்பெரிய சர்ச்சையை ஏற்படுத்தியது. இதன் காரணமாக தற்போது வரை விஜய் மற்றும் ரஜினி ரசிகர்கள் இணையத்தில் ஒருவரை ஒருவர் சீண்டி வருகின்றனர்.
அந்த வகையில் தற்போது விஜய் ரசிகர் ஒருவர், ரஜினி தான் நடித்த பல படங்களுக்கு டூப் தான் பயன்படுத்தியுள்ளார். ரஜினி நடிக்கும் சண்டை காட்சிகளில் பெரும்பாலும் டூப் தான் பயன்படுத்தியுள்ளார் என கூற, இது ரஜினி ரசிகர்களை கோபமாக்கியது.
இதையடுத்து விஜய் நடித்த சண்டைக்காட்சிகளில் அவர் டூப் பயன்படுத்தியதை குறிப்பிட்டு இரு நடிகர்களின் ரசிகர்களும் மோதலில் ஈடுபட்டு வருகின்றனர். இந்நிலையில் விஜய் மற்றும் அஜித் ரசிகர்களின் மோதல் ஒருபக்கம் இருக்க தற்போது சூப்பர்ஸ்டார் விவகாரத்தால் விஜய் மற்றும் ரஜினி ரசிகர்கள் மோதலில் ஈடுபட்டு வருவது குறிப்பிடத்தக்கது.