லோகேஷ் கனகராஜ் இயக்கத்தில் தளபதி விஜய், த்ரிஷா, ஆக்ஷன் கிங் அர்ஜுன், பாலிவுட் நடிகர் சஞ்சய் தத், மிஷ்கின், கவுதம் மேனன் உள்ளிட்டோர் நடித்து வரும் படம் லியோ. முதல்கட்ட படப்பிடிப்பு சென்னையில் நடந்தது.
இதையடுத்து காஷ்மீரில் இரண்டாம்கட்ட படப்பிடிப்பு நடந்து வருகிறது. குளிரையும் பொருட்படுத்தாமல் படக்குழு வேலை செய்து வருகிறது. இந்நிலையில் லியோ படத்தின் ஒளிப்பதிவாளரான மனோஜ் பரமஹம்சாவின் தாயார் காலமானார்.
தாய் இறந்த செய்தி அறிந்ததும் காஷ்மீரில் இருந்து சென்னைக்கு திரும்பினார் மனோஜ். இதனால் லியோ படப்பிடிப்பு தற்காலிகமாக நிறுத்தி வைக்கப்பட்டதாக கூறப்பட்டது. ஆனால் படப்பிடிப்பு நிறுத்தப்படவில்லையாம்.
மனோஜ் திரும்பி வரும் வரை வேறு ஒருவரை வைத்து படத்தை ஷூட் செய்து வருகிறார்களாம். சென்னை ஷெட்யூல் நல்லபடியாக நடந்தது. இந்நிலையில் காஷ்மீர் ஷெட்யூலின்போது எடுக்கப்பட்ட ஒரு காட்சி வீடியோ சமூக வலைதளத்தில் கசிந்துவிட்டது.
Leo,Vijay: விஜய்க்கு எது நடந்துடக் கூடாதுனு பயந்தோமோ அது நடந்துடுச்சு
வெள்ளை நிற சட்டை அணிந்து காஷ்மீர் தெருவில் விஜய் நடந்து வரும் அந்த காட்சியை பார்த்து தளபதி ரசிகர்கள் அதிர்ச்சி அடைந்தார்கள். அண்மை காலமாக விஜய் படங்களின் ஷூட்டிங்ஸ்பாட்டில் இருந்து புகைப்படங்கள், வீடியோக்கள் கசிவது வழக்கமாகிவிட்டது.
பொதுவெளியில் ஷூட்டிங் நடத்தினால் தானே இந்த கசிவு பிரச்சனை என்று செட் போட்டாலும் பிரச்சனை தீரவில்லை. வாரிசு படத்திற்கு கசிவு பிரச்சனை ஏற்பட்டு ஷூட்டிங்கையே நிறுத்திவிட்டு செட்டை பிரித்து வேறு இடத்தில் அமைத்தார்கள்.
வாரிசோடு அந்த கசிவு பிரச்சனை நின்றுவிடட்டும் என ரசிகர்கள் நினைத்த நிலையில் லியோவிலும் தொடர்கிறது. லியோ படத்தின் கதை லோகேஷ் கனகராஜின் எல்.சி.யூ. கதை ஆகும்.
லோகேஷ் படங்களில் வில்லன்கள் கெத்தாக வருவார்கள். அவர்களின் வில்லத்தனம் கூட ரசிக்கும்படி இருக்கும். வில்லன் ஹீரோவை ஓவர்டேக் செய்யும் காரியம் லோகேஷ் கனகராஜ் படங்களில் நடக்கும். அந்த ஒரு விஷயத்தில் தான் லோகியால் விஜய் ரசிகர்கள் பயத்தில் இருக்கிறார்கள். மற்றபடி லோகேஷ் கனகராஜ் மீது விஜய் ரசிகர்களுக்கு முழு நம்பிக்கை இருக்கிறது.
லியோ படத்தில் விஜய்க்கு ஜோடியாக த்ரிஷா நடித்து வருகிறார். விஜய், த்ரிஷா ஜோடி ரொம்ப ராசியானது. அதனாலும் லியோ படம் கண்டிப்பாக வெற்றி பெறும் என ரசிகர்கள் நம்புகிறார்கள்.
Trisha, Vijay:அடடே, விஜய்க்கும், த்ரிஷாவுக்கும் இடையே இப்படி ஒரு ஒற்றுமையா!
14 ஆண்டுகள் கழித்து விஜய்யும், த்ரிஷாவும் சேர்ந்து நடித்து வருகிறார்கள். இந்த அதிசயம் எல்லாம் த்ரிஷாவுக்கு தான் சாத்தியம் என அவரின் ரசிகர்கள் பெருமையாக பேசிக் கொண்டிருக்கிறார்கள்.
பொன்னியின் செல்வன் பட ரிலீஸுக்கு பிறகு த்ரிஷாவின் கெரியர் வேறு லெவலில் சென்று கொண்டிருக்கிறது. இந்நிலையில் தான் அவருக்கு விஜய்யுடன் மீண்டும் சேர்ந்து நடிக்கும் வாய்ப்பு கிடைத்தது. அடுத்ததாக அஜித் குமாருடன் சேர்ந்து நடிப்பார் என எதிர்பார்க்கப்படுகிறது.
லியோவில் த்ரிஷாவை முதல் காட்சியிலேயே கழுத்தை அறுத்துக் கொன்றுவிட்டு அதற்காக விஜய் பழிவாங்குவது போன்று கதை செல்லப் போகிறது பாருங்களேன் என ரசிகர்கள் கூறி வருகிறார்கள். அப்படி செய்யும் ஆள் தான் லோகி. ஆனால் நாமோ விஜய், த்ரிஷா ரொமான்ஸ் காட்சிகளை எதிர்பார்க்கிறோம் என்கிறார்கள்.