லோகேஷ் கனகராஜ் தற்போது தமிழ் சினிமாவில் முன்னணி இயக்குனர்களில் ஒருவராக வலம் வருகின்றார். இவர் இயக்கும் படங்கள் வெற்றிக்கு மேல் வெற்றிகளை குவித்து வருகின்றன. என்னதான் வெற்றிக்கு மேல் வெற்றிகளை குவித்து முன்னணி இயக்குனராக லோகேஷ் வலம் வந்தாலும் அனைவரிடமும் அன்பாகவும், இயல்பாகவும் பழகி வருவதால் இவருக்கு ஏகப்பட்ட ரசிகர்கள் உருவாகி வருகின்றனர்.
இவர் பேட்டிகளிலும், இவரை பற்றி மற்றவர்கள் பேசுவதன் மூலமும் லோகேஷின் குணம் பற்றி ரசிகர்களுக்கு தெரிய வந்துள்ளது.எனவே லோகேஷின் படங்களுக்கு அப்பாற்பட்டு ரசிகர்கள் இவரை நேசித்து வருகின்றனர். தற்போது இவருக்கென தனி ரசிகர்கள் கூட்டம் இருந்து வருகின்றது. இந்நிலையில் கமல்ஹாசனின் விக்ரம் என்ற மாபெரும் வெற்றிப்படத்திற்கு பிறகு லோகேஷ் தற்போது மீண்டும் விஜய்யுடன் இணைந்து லியோ படத்தை இயக்கி வருகின்றார்.
Mohan G: பகாசூரன் படத்திற்காக மோகன் ஜி வாங்கிய சம்பளம்..எவ்வளவு தெரியுமா ?
இப்படத்தை இந்திய சினிமாவே எதிர்பார்த்து காத்துக்கொண்டிருக்கிறது என சொன்னால் அது மிகையாகாது. இவ்வாறு மிகப்பெரிய எதிர்பார்ப்பில் இருக்கும் லியோ திரைப்படத்தின் படப்பிடிப்பு தற்போது காஷ்மீரில் விறுவிறுப்பாக நடைபெற்று வருகின்றது. மேலும் அக்டோபர் மாதம் ஆயுத பூஜையை முன்னிட்டு இப்படம் திரையில் வெளியாகும் என அதிகாரபூர்வமாக அறிவிக்கப்பட்டுள்ளது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் முதல் முறையாக லோகேஷ் தன் மனைவியை பற்றியும் குழந்தைகள் பற்றியும் பேசியுள்ளார். அதாவது லோகேஷ் ஐஸ்வர்யா என்ற பெண்ணை காதலித்து கடந்த 2012 ஆம் ஆண்டு திருமணம் செய்துகொண்டார். அவருக்கு ஆத்விகா மற்றும் ஆருத்ரா என இரு மகள்கள் இருக்கின்றனர்.
வங்கியில் நல்ல வேலையில் இருந்தபோது சினிமாவின் மீது ஆசை வந்ததால் வங்கி வேலையை ராஜினாமா செய்தார் லோகேஷ். அப்போது லோகேஷிற்கு நிலையான வருமானம் இல்லாததால் அவரின் மனைவி தான் வேலைக்கு சென்று குடும்பத்தை காப்பாற்றினாராம்.
பின்பு கைதி படம் வெளியான பிறகு தன் மனைவியை வேலையை ராஜினாமா செய்யுமாறு லோகேஷ் சொன்னாராம்.இந்நிலையில் லோகேஷ் முதல் முறையாக தன் மனைவியை பற்றி உருக்கமாக பேசியதை பார்த்த ரசிகர்கள் அவருக்கு அன்பான மனைவி அமைந்ததற்காக வாழ்த்துக்களை தெரிவித்து வருகின்றனர் என்பது குறிப்பிடத்தக்கது.