தாய்லாந்திலிருந்து சென்னை திரும்பிய சிம்பு
வெந்து தணிந்தது காடு படத்திற்கு பின் சிம்பு நடிப்பில் வெளியாக உள்ள படம் ‛பத்து தல'. கன்னடத்தில் வெளியான முப்தி படத்தின் ரீ-மேக்காக உருவாகி உள்ள இதில் கவுதம் கார்த்திக், பிரியா பவானி சங்கர் ஆகியோரும் முக்கிய வேடத்தில் நடித்துள்ளனர். கிருஷ்ணா இயக்க, ஏ.ஆர்.ரஹ்மான் இசையமைத்துள்ளார். இம்மாதம் 30ம் தேதி படம் ரிலீஸாகிறது. மார்ச் 18ல் படத்தின் இசை வெளியீட்டு விழா சென்னை, நேரு உள்விளையாட்டு அரங்கில் பிரமாண்டமாய் நடக்கிறது.
இதுஒருபுறம் இருக்க, கமல் தயாரிப்பில் தேசிங்கு பெரியசாமி இயக்கும் தனது 48வது படத்தில் நடிக்கிறார் சிம்பு. இந்த படத்திற்காக சில தற்காப்பு பயிற்சிகளையும், உடல் எடையையும் பிட்டாக மாற்ற தாய்லாந்து சென்று பயிற்சி எடுத்து வந்தார் சிம்பு. தற்போது பத்து தல இசை வெளியீட்டு விழாவிற்காக சென்னை திரும்பி உள்ளார். சிம்புவின் ஸ்டைலான புதிய தோற்றம் வைரலானது.