தற்போது எங்கு பார்த்தாலும் AK62 படத்தை பற்றிய பேச்சு தான் போய்க்கொண்டிருக்கிறது. இப்படத்தின் படப்பிடிப்பு ஜனவரி மாதமே துவங்கவேண்டிய நிலையில் திடீரென அஜித் மற்றும் லைக்கா இருவரும் விக்னேஷ் சிவனை படத்தை விட்டு நீக்கினர். இது ஒட்டுமொத்த கோலிவுட் வட்டாரத்தையும் அதிர்ச்சியாக்கியது.
கதை பிடிக்கவில்லை என்றால் கதையை தானே மாற்றுவார்கள். இங்கே என்ன இயக்குனரையே மாற்றிவிட்டார்கள் என ரசிகர்கள் ஒரு பக்கம் குழம்பி தவிக்கின்றனர். இதையடுத்து AK62 திரைப்படத்தை மகிழ் திருமேனி தான் இயக்கவுள்ளார் என்பது உறுதியாகியுள்ளது. ஆனாலும் இதை பற்றி எந்த ஒரு அறிவிப்பும் இதுவரை படக்குழுவிடமிருந்து வெளியாகவில்லை.
Pathu Thala: பத்து தல படத்தின் முதல் விமர்சனம் வெளியானது..படம் எப்படி இருக்கு தெரியுமா ?
அந்த பக்கம் விஜய்யின் லியோ திரைப்படத்தின் படப்பிடிப்பு பரபரவென போய்க்கொண்டிருக்க இந்த பக்கம் அஜித் தன் அடுத்த படத்தின் அதிகாரபூர்வ அறிவிப்பையே இன்னும் வெளியிடவில்லையே என அஜித் ரசிகர்கள் புலம்பி தவிக்கின்றனர்.
இந்நிலையில் அஜித் விக்னேஷ் ஷிவனின் விஷயத்தில் ஏற்பட்ட தவறு இம்முறை ஏற்படக்கூடாது என்பதற்காக ஒவ்வொரு விஷயத்தையும் பார்த்து பார்த்து செய்து வருகிறாராம். மகிழ் திருமேனியை வசனத்துடன் கூடிய திரைக்கதையை எழுதி தன்னிடம் காட்ட சொல்லியுள்ளாராம் அஜித். மேலும் மகிழ் திருமேனிக்கு அஜித் பல கண்டிஷன்களை போட்டு அவரை வறுத்தெடுத்து வருவதாக கோலிவுட் வட்டாரத்தில் கிசுகிசுக்கப்பட்டு வருகின்றது.
மறுபக்கம் மகிழ் திருமேனி இதனால் மன உளைச்சலுக்கு ஆளாகி வருவதாகவும் பேசப்பட்டு வருகின்றது. இந்நிலையில் இதற்கெல்லாம் AK62 படத்தின் அதிகாரபூர்வ அறிவிப்பின் மூலம் தான் முற்றுப்புள்ளி வைக்கமுடியும், எனவே விரைவில் அறிவிப்பை வெளியிடுங்கள் என ரசிகர்கள் கேட்டு வருகின்றனர்.
விளக்கம் கொடுத்த விஜய் இயக்குனர்
இதைத்தொடர்ந்து AK62 படத்தை பற்றிய பல தகவல்கள் இணையத்தில் பரவி வர தற்போது ஒரு வதந்தி உலா வருகின்றது. என்னவென்றால் அஜித்தின் AK62 படம் ரீமேக் படமாக இருக்க அதிக வாய்ப்புகள் இருப்பதாக விமர்சகர் ஒருவர் ட்வீட் போட்டிருந்தார். இந்த டீவீட்டால் அஜித் ரசிகர்கள் குழம்பி தவிக்க விஜய் பட இயக்குனர் AK62 படம் கண்டிப்பாக ரீமேக் படமாக இருக்காது என உறுதியாக கூறியுள்ளார்.
விஜய்யை வைத்து சச்சின் என்ற படத்தை இயக்கிய ஜான் மகேந்திரன் கண்டிப்பாக அஜித்தின் AK62 ரீமேக் படமாக இருக்காது என அந்த டீவீட்டிற்கு பதிலளித்துள்ளார். இதன் மூலம் இந்த வதந்திக்கு முற்றுப்புள்ளி வைக்கப்பட்டுள்ளது. மேலும் AK62 படத்தின் அதிகாரபூர்வ அறிவிப்பு ஏப்ரல் மாதம் தான்
வரும் என்ன பேசப்பட்டு வருவதால் அதற்குள் வேறு என்னென்னெ வதந்திகள் வருமோ என அஜித் ரசிகர்கள் வருந்தி வருகின்றனர்.