இரண்டாவது திருமணம் செய்து கொள்ள உள்ளதாக தகவல் பரவி வரும் நிலையில் அதுகுறித்து நடிகை மீனா விளக்கம் அளித்துள்ளதாக தகவல் வெளியாகியுள்ளது.
மீனாநடிகை மீனா கடந்த 2009 ஆம் ஆண்டு வித்யா சாகர் என்பவரை திருமணம் செய்து கொண்டார். பெங்களூரை சேர்ந்த வித்யா சாகர் சாஃப்ட்வேர் என்ஜினியர் ஆவார். நடிகை மீனாவுக்கும் வித்யா சாகருக்கும் நைனிகா என்ற மகள் உள்ளார். நைனிகா விஜய்யின் தெறி படத்தின் மூலம் தமிழ் சினிமாவில் குழந்தை நட்சத்திரமாக அறிமுகமானார்.
வித்யா சாகர் மரணம்
இந்நிலையில் கடந்த ஜூன் 28 ஆம் தேதி நடிகை மீனாவின் கணவர் வித்யா சாகர் உடல் நலக்குறைவால் காலமானார். நுரையீரல் தொற்றால் பாதிக்கப்பட்டிருந்த வித்யா சாகர் சென்னையில் உள்ள பிரபல மருத்துவமனையில் 6 மாதங்களுக்கும் மேலாக சிகிச்சை பெற்று வந்தார். அவரது நுரையீரல் நோய் தொற்றுக் காரணமாக மோசமாக பாதிக்கப்பட்டது.
மாற்று உறுப்புஇதையடுத்து அவருக்கு மாற்று நுரையீரல் பொருத்த வேண்டும் என மருத்துவர்கள் தெரிவித்தனர். ஆனால் வித்யா சாகருக்கு மாற்று உறுப்பு கிடைக்கவில்லை. இந்நிலையில் கடந்த ஜூன் 28ஆம் தேதி சிகிச்சை பலனின்றி உயிரிழந்தார் வித்யா சாகர். இதையடுத்து வீட்டிற்குள் முடங்கியிருந்த மீனாவை அவருடைய தோழிகள் மெல்ல இயல்பு நிலைக்கு கொண்டு வந்துள்ளனர்.
கணவரை மிஸ் பண்றேன்
சமீபத்தில் நடிகை மீனாவுக்கு தனியார் யூட்யூப் சேனல் ஒன்று மீனா 40 விழா எடுத்தது. மீனா சினிமாவில் 40 ஆண்டுகளை நிறைவு செய்ததை முன்னிட்டு இந்த விழா நடத்தப்பட்டது. இதில் நடிகர் ரஜினிகாந்த் உட்பட தென்னிந்திய சினிமா பிரபலங்கள் பலரும் பங்கேற்றனர். அந்த நிகழ்ச்சியில் பேசிய நடிகை மீனா இந்த தருணத்தில் தனது கணவரை ரொம்பவே மிஸ் பண்ணுவதாக கண்கள் கலங்கினார்.
புதிய வதந்தி
நடிகர் ரஜினிகாந்த் உட்பட விழாவிற்கு வந்த பிரபலங்கள் பலரும் மீனாவுக்கு இப்படி நடந்திருக்க கூடாது என வருத்தப்பட்டனர். இந்நிலையில் நடிகை மீனா இரண்டாவது திருமணம் செய்து கொள்ள போவாக கடந்த சில மாதங்களாக தகவல் பரவி வருகிறது.
குடும்ப நண்பர், தொழில் அதிபர் என வதந்திகள் பரவி வந்த நிலையில் கடைசியாக நடிகர் தனுஷுக்கும் மீனாவுக்கும் திருமணம் என புதிதாக ஒரு வதந்தி பரவியது.
எப்படி பரவுகிறது?
இந்நிலையில் இரண்டாவது திருமணம் குறித்து நடிகை மீனா பேட்டி ஒன்றில் பேசியதாக தகவல் வெளியாகியுள்ளது. அதன்படி தனது கணவர் இல்லை என்பதையே தன்னால் இன்னும் நம்ப முடியவில் என்றும் அதற்குள் இந்த விஷயங்கள் எல்லாம் எப்படி பரவுகிறது என்றே தெரியவில்லை என்றும் கூறியுள்ளார். மேலும் தற்போது தனது மகளின் எதிர்காலம் பற்றியும் தனது படங்களை தேர்வு செய்வதில் மட்டுமே தனது கவனம் இருப்பதாகவும் கூறியுள்ளார்.
Meena