தென்னிந்தியாவில் பாஜக ஆளும் கட்சியாக இருக்கும் ஒரே மாநிலம் கர்நாடகா. இங்கு சட்டமன்ற தேர்தல் அடுத்த சில வாரங்களில் நடைபெறவுள்ளது. இதற்கான அறிவிப்பை எதிர்நோக்கி அரசியல் கட்சிகள் பெரிதும் காத்திருந்தன. அவர்களுக்கு மகிழ்ச்சியூட்டும் வகையில் தகவல் வெளியாகியுள்ளது. இன்று காலை 11.30 மணிக்கு கர்நாடக மாநில சட்டமன்ற தேர்தல் தேதியை இந்திய தேர்தல் ஆணையம் அறிவிக்கிறது. தேதி அறிவிக்கப்பட்டதும் தேர்தல் நடத்தை விதிமுறைகள் உடனடியாக அமலுக்கு வந்துவிடும்.
