ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
லோகேஷ் கனகராஜ் இயக்கத்தில் விஜய்யின் நடிப்பில் தற்போது உருவாகிவரும் திரைப்படம் தான் லியோ. இப்படத்தை பற்றி நாளுக்கு நாள் எதிர்பார்ப்பு அதிகரித்து வரும் வேளையில் படப்பிடிப்பை விறுவிறுவென முடித்து வருகின்றார் லோகேஷ். மிகப்பெரிய நட்சத்திர பட்டாளங்கள் இப்படத்தில் நடித்து வந்தாலும் எந்த வித ஆர்ப்பாட்டமும் இல்லாமல் படப்பிடிப்பை மளமளவென நடத்தி வருகின்றார் லோகேஷ்.
முதல்கட்ட படப்பிடிப்பை காஷ்மீரில் கடுமையான சவால்களுக்கு மத்தியில் நடத்தி முடித்த லோகேஷ் அடுத்தகட்ட படப்பிடிப்பை தற்போது சென்னையில் நடத்தி வருகின்றார். முதல்கட்ட படப்பிடிப்பில் விஜய் உட்பட கௌதம் மேனன், சஞ்சய் தத், மிஸ்கின், த்ரிஷா ஆகியோர் கலந்துகொண்டனர். இதில் மிஸ்கின் மற்றும் கௌதம் மேனனின் போர்ஷன் நிறைவடைந்தது.
Vijay,Ajith: விஜய்யை அஜித் இப்படி தான் கூப்பிடுவாராம்..அட இவ்ளோ நாள் இது தெரியாம போச்சே..!
இதையடுத்து தற்போது சென்னையில் நடைபெற்று வரும் படப்பிடிப்பில் அர்ஜுன், மன்சூர் அலி கான் ஆகியோர் கலந்துகொள்வார்கள் என எதிர்பார்க்கப்பட்டு வருகின்றது. இந்நிலையில் சமீபத்தில் பிரபல மலையாள நடிகரான ஜோஜூ ஜார்ஜ் லியோ படத்தில் விஜய்க்கு அண்ணனாக நடிப்பதாக பேசப்பட்டு வந்தது. ஆனால் இதைப்பற்றி எந்த ஒரு அதிகாரபூர்வ அறிவிப்பும் வெளியாகவில்லை.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இதையடுத்து இப்படத்தின் படப்பிடிப்பு மே மாதத்திற்குள் முடிவடைந்து விடும் என எதிர்கார்க்கப்படுகின்றது. இந்நிலையில் சமீபத்தில் நடிகர் மன்சூர் அலி கான், இன்னமும் நான் லியோ படப்பிடிப்பில் இணையவில்லை என கூறியிருந்தார். இதையடுத்து தற்போது வந்த தகவலின் படி மன்சூர் அலி கான் சென்னையில் நடைபெறும் படப்பிடிப்பில் விரைவில் இணைவார் என்றும், இப்படத்தில் அவரின் கதாபாத்திரம் மிகப்பெரிய தாக்கத்தை ஏற்படுத்தக்கூடிய வகையில் மிக முக்கியமான கதாபாத்திரமாக இருக்கும் என்றும் பேசப்பட்டு வருகின்றது.
லியோ திரைப்படத்தில் அவருடைய ரோல் தான் மிகப்பெரிய ட்விஸ்ட்டாக அமையும் என்றும் தகவல்கள் வருகின்றன. லோகேஷ் கனகராஜ் மன்சூர் அலி கானின் தீவிர ரசிகர் என்பதால் இபபடத்தில் அவருக்கு வலுவான ரோலை கொடுத்திருப்பார் என அனைவராலும் எதிர்பார்க்கப்படுகின்றது.
எனவே இந்த தகவல் உண்மையா இல்லையா என்பதை பொறுத்திருந்து தான் பார்க்கவேண்டும். இந்நிலையில் லியோ திரைப்படத்தை இனி செட் அமைத்தே படமாக்கலாம் என்றும், அவுட்டோர் படப்பிடிப்பு வேண்டாம் என்றும் விஜய் லோகேஷிடம் கூறியதாக தகவல்கள் பரவி வருகின்றன என்பது குறிப்பிடத்தக்கது.