ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
விஜய் தற்போது லோகேஷ் கனகராஜின் இயக்கத்தில் லியோ படத்தில் நடித்து வருகின்றார். தற்போது படத்தின் படப்பிடிப்பு இறுதிக்கட்டத்தை எட்டியுள்ள நிலையில் இன்னும் ஒரு வாரத்தில் ஒட்டுமொத்த படப்பிடிப்பும் முடிவடைய இருக்கின்றது. இந்நிலையில் சில தினங்களுக்கு முன்பு விஜய்யின் பிறந்தநாளை முன்னிட்டு நா ரெடி தான் என்ற பாடல் வெளியானது.
அனிருத்தின் இசையில் விஜய்யே இப்பாடலை பாடியுள்ளார். மேலும் லோகேஷின் உதவி இயக்குனரான விஷ்ணு இப்பாடலை எழுதியுள்ளார். இவர் ஏற்கனவே விக்ரம் படத்தில் இடம்பெற்ற நாயகன் மீண்டும் வரார், போர்கொண்ட சிங்கம் ஆகிய பாடல்களை எழுதி பிரபலமானார்.
பிரபலமான விஷ்ணு
இந்நிலையில் நா ரெடி பாடலை எழுதிய பின் மேலும் ரசிகர்களிடம் பிரபலமானவராக உருவெடுத்துள்ளார் விஷ்ணு. இப்பாடல் வெளியான பிறகு அவரை பல யூடுப் சானல்கள் பேட்டி எடுத்து வருகின்றனர். அதில் அவர் பல விஷயங்களை பேசி வருகின்றனர்.
Maamannan review: மாமன்னன் படம் எப்படி இருக்கு தெரியுமா ? வெளியான முதல் விமர்சனம்..!
அந்த வகையில் நா ரெடிதான் பாடலை கேட்டு விஜய் தன்னை பாராட்டியதாக பேசிய விஷ்ணு, லியோ படத்தின் இண்டர்வல் காட்சி பற்றியும் பேசியுள்ளார். எப்படி விக்ரம் படத்தின் இன்டெர்வல் காட்சி பேசப்படும் படி இருந்ததோ அதே போல லியோ படத்தின் இண்டர்வல் காட்சியும் இருக்கும். மேலும் ரசிகர்கள் எதிர்பாராத ஒன்று இன்டெர்வல் காட்சியில் இடம்பெறும் என்றார் விஷ்ணு.
லியோ படம் பற்றி பேச்சு
மேலும் லியோ படத்தில் விஜய் இரண்டு கதாபாத்திரங்களில் நடிப்பதாகவும் விஷ்ணு கூறியுள்ளார். லியோ என்ற ஒரு ரோலிலும், பார்த்திபன் என்ற ஒரு ரோலிலும் விஜய் நடிக்கின்றார்.. ஆனால் லியோவில் விஜய் டபுள் ஆக்ஷனா என்பது பற்றி தெரியவில்லை. இந்நிலையில் விஷ்ணு தன் பேட்டிகளில் லியோ படத்தை பற்றி பல விஷயங்களை பேசி வருகின்றார்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இதையடுத்து ரசிகர்களின் எதிர்பார்ப்பு ஒருபக்கம் பலமடங்கு உயர்ந்துள்ள நிலையில் அவர்கள் லியோ படத்தை பற்றி பல விஷயங்களை கணித்தும் வருகின்றனர். எனவே அவர்கள் கணித்த விஷயங்களும், விஷ்ணு கூறிய சில விஷயங்களும் ஒத்துப்போவதாக இருப்பதாகவும் அவர்கள் கூறி வருகின்றனர். ஆனால் லியோ படம் LCU வில் இணைகின்றதா ? இல்லையா ? என்பதை மட்டும் அனைவரும் சஸ்பென்சாகவே வைத்துள்ளனர் என்பது குறிப்பிடத்தக்கது.