ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
உதயநிதி
நடிப்பில் மாரி செல்வராஜின் இயக்கத்தில் சமீபத்தில் வெளியான திரைப்படம் தான் மாமன்னன். உதயநிதி நாயகனாக நடித்த இப்படத்தில் நாயகனுக்கு நிகரான ரோலில் நடித்துள்ளார் வைகைப்புயல் வடிவேலு. அதுதான் இப்படத்திற்கு பலமாக அமைந்தது. மேலும் ஃபஹத் ஃபாசில், கீர்த்தி சுரேஷ் என மிகப்பெரிய நட்சத்திர பட்டாளங்கள் நடித்துள்ளனர்.
மேலும் ஏ.ஆர் ரஹ்மான் இப்படத்திற்கு இசையமைத்துள்ளார். இவ்வாறு பல சிறப்பம்சங்கள் நிறைந்த இப்படம் ரசிகர்களின் பேராதரவை பெற்று வருகின்றது. படம் வெளியான முதல் நாளிலே பத்து கோடி வரை வசூலித்த நிலையில் மொத்தமாக இப்படம் இதுவரை ஐம்பது கோடிக்கு மேல் வசூலித்துள்ளது. மேலும் உதயநிதியின் நடிப்பில் வெளியாகி அதிக வசூலை ஈட்டிய படமாக மாமன்னன் உருவெடுத்துள்ளது.
உதயநிதியின் நடிப்பு
இந்நிலையில் உதயநிதிக்கு என்னதான் மாமன்னன் கடைசி படமாக இருந்தாலும் அவர் செய்த ஒரு காரியம் தான் தற்போது பலராலும் பாராட்டப்பட்டு வருகின்றது. அதாவது படத்தின் நாயகனான உதயநிதி வடிவேலு, ஃபஹத் ஃபாசில், கீர்த்தி சுரேஷ் ஆகியோரின் பெயருக்கு பிறகு தான் தன் பெயரை போட்டுக்கொண்டார்.
Jailer: ரஜினியை போல மற்ற ஹீரோக்களும் அதை செய்து காட்ட வேண்டும்..சவால் விட்ட ஜோதிகா..!
ஒரு ஹீரோ, அதுவும் அவரின் கடைசி படத்தில் இதுபோன்ற விஷயத்தை செய்தது பலராலும் ஆச்சர்யமாக பார்க்கப்பட்டது. இந்நிலையில் பிரபல தயாரிப்பாளர் கே.ராஜன் உதயநிதியை பாராட்டி பேசியுள்ளார். அவர் பேசியதாவது, மாமன்னன் படத்தில் உதயநிதி சிறப்பாக நடித்திருந்தார். குறிப்பாக இப்படத்தில் உதயநிதி பன்றிகளை மேய்க்கும்படி நடித்தது மிகப்பெரிய விஷயம்.
பாராட்டும் கே.ராஜன்
வேறெந்த ஹீரோவும் செய்ய தயங்கும் இந்த விஷயத்தை உதயநிதி செய்துள்ளார். இன்னும் சொல்லப்போனால் உதயநிதி வருங்கால முதல்வர் என்றெல்லாம் பேசுகின்றார்கள். அந்த நிலையில் இருக்கும் ஒருவர் கதைக்காக இவ்வாறு நடித்தது பாராட்டக்கூடிய விஷயமாகும் என கூறியுள்ளார் கே.ராஜன்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் கே.ராஜன் மட்டுமல்லாமல் திரைத்துறையை சேர்ந்த பலரும் உதயநிதியை பாராட்டி வருகின்றனர். இதையடுத்து மாமன்னன் திரைப்படம் விமர்சன ரீதியாக மட்டுமல்லாமல் வசூல் ரீதியாகவும் மிகப்பெரிய வெற்றியை பெற்றுள்ளது என்பது குறிப்பிடத்தக்கது.