சிவகார்த்திகேயன் தற்போது ‘மாவீரன்’ படத்தில் நடித்து முடித்துள்ளார். இந்த வாரம் ரிலீசாகவுள்ள இந்தப்படத்தின் புரமோஷன் பணிகள் படு ஜோராக நடந்து வருகிறது. பிரின்ஸ் பட தோல்விக்கு பிறகு மிகுந்த எதிர்பார்ப்பிற்கு மத்தியில் மாவீரன் வெளியாகயிருக்கிறது. இந்நிலையில் ‘மாவீரன்’ படம் குறித்த அதிரடியான அப்டேட் ஒன்றை படக்குழுவினர் வெளியிட்டுள்ளனர்.
டான், பிரின்ஸ் படங்களை தொடர்ந்து ‘மாவீரன்’ படத்தில் நடித்து முடித்துள்ளார் சிவகார்த்திகேயன். இவரது கடைசி படமாக தமிழ், தெலுங்கு மொழியில் வெளியான ‘பிரின்ஸ்’ படம் படு தோல்வியை சந்தித்தது. இந்த தோல்வியை வெளிப்படையாக ஒப்புக்கொண்ட சிவகார்த்திகேயன், மாவீரன் படம் அதனை சரிக்கட்டும் என நம்பிக்கையுடன் தெரிவித்துள்ளார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
‘மடோன் அஸ்வின் இயக்கத்தில் இந்தப்படம் உருவாகியுள்ளது. யோகி பாபு நடிப்பில் வெளியான ‘மண்டேலா’ படத்தின் மூலம் ரசிகர்களை கவனம் ஈர்த்த மடோன், தனது இரண்டாவது படைப்பாக மாவீரனை இயக்கியுள்ளார். இந்தப்படத்தின் டிரெய்லர் மற்றும் இசை வெளியீட்டு விழா சமீபத்தில் பிரம்மாண்டமாக நடந்து முடிந்தது.
அண்மையில் வெளியான ‘மாவீரன்’ பட டிரெய்லரும் ரசிகர்களின் எதிர்பார்ப்பினை பல மடங்கு எகிற செய்துள்ளது. இந்நிலையில் இந்தப்படத்தில் சிவகார்த்திகேயனுக்கு குரல் ஒன்று கேட்கிறது. அந்த குரல் சொல்வதை கேட்டு அவர் நடப்பதை போல் படத்தின் திரைக்கதை அமைக்கப்பட்டுள்ளது. இதற்காக ரஜினி, கமலிடம் படக்குழுவினர் பேச்சுவார்த்தை நடத்தியுள்ளனர். ஆனால் அவர்களால் வாய்ஸ் கொடுக்க முடியவில்லை.
Vijay: அரசியலுக்கு வந்ததும் சினிமாவுக்கு முழுக்கு: நடிகர் விஜய் அதிரடி முடிவு.!
இதனால் மாவீரனின் சிவகார்த்திகேயனுக்காக குரல் கொடுத்தது யாராக இருக்கும் என்ற எதிர்பார்ப்பு ரசிகர்கள் மத்தியில் நிலவி வந்தது. இந்நிலையில் அந்த வாய்ஸ் யாருடையது என்பது குறித்த ஸ்பெஷல் ப்ரோமோ ஒன்றை படக்குழுவினர் வெளியிட்டுள்ளனர். அதன்படி ‘மாவீரன்’ படத்தில் சிவகார்த்திகேயனுக்காக நடிகர் விஜய் சேதுபதி குரல் கொடுத்துள்ளார். இந்த சர்ப்ரைஸ் அப்டேட் ரசிகர்கள் மத்தியில் கொண்டாட்டத்தினை ஏற்படுத்தியுள்ளது.
இந்த ப்ரோமோ வீடியோ தற்போது சோஷியல் மீடியாவில் வைரலாகி வருகிறது. இந்த வீடியோவை தனது ட்விட்டர் பக்கத்தில் பகிர்ந்துள்ள சிவகார்த்திகேயன், ‘மை டியர் விஜய் சேதுபதி உங்கள் அன்பான செயலுக்கு நன்றி. மாவீரனின் உங்கள் குரலோடு இணைவதில் மகிழ்ச்சி’ என பதிவிட்டுள்ளார். அதிதி ஷங்கர், மிஷ்கின், சரிதா, யோகி பாபு உள்ளிட்டோர் நடித்துள்ள ‘மாவீரன்’ படம் வரும் ஜுலை 14 ஆம் தேதி திரையரங்குகளில் வெளியாகவுள்ளது குறிப்பிடத்தக்கது.
Maaveeran: டாக்டர் படத்தை போல் மாவீரனில்.. எதிர்பார்ப்பை எகிற வைக்கும் சிவகார்த்திகேயன்..!