உலகின் பல்வேறு நாடுகளில் தனித்துவம் வாய்ந்த பாரம்பரிய மதுபான வகைகள் இருக்கின்றன. அதில் 1915 எனப்படும் சிங்கப்பூர் ஸ்லிங் வகை மதுபானமும் ஒன்று. இது கியாம் டாங் பூன் (Ngiam Tong Boon) என்ற மதுபான விற்பனையாளரால் கடந்த 1915ஆம் ஆண்டு அறிமுகம் செய்யப்பட்டது. இது ஒரு காக்டெய்ல் வகையிலான மதுபானம்.
கன்னியாகுமரி to சிங்கப்பூர்; சைக்கிளில் விழிப்புணர்வு பயணம்!!
சிங்கப்பூர் ஸ்லிங்
முதலில் இந்த மதுபானம் உருவாக்கப்பட்டது பெண்களுக்காக தான் எனக் கூறுகின்றனர். அந்த காலகட்டத்தில் பார்களில் ஆண்களுக்கு மத்தியில் மதுபானம் அருந்த பெண்கள் பெரிதும் கூச்சமுடன் இருப்பர். இதனால் அவர்களுக்கு மதுவிற்கு நிகரான ஒரு பானத்தை தயாரிக்க வேண்டும் என்று கியாம் டாங் பூன் முடிவு செய்தார்.
அய்ன் துபாய்: திகில், சாசகம் தந்த ராட்சத சக்கரம்… ஆடாமல் நின்று ஒரு வருஷமாச்சே… ஏன்?
காக்டெய்ல் வகை மதுபானம்
பலதரப்பட்ட பானங்களை ஒன்று சேர்த்து சிங்கப்பூர் ஸ்லிங் உருவாக்கப்பட்டது. இதன் சுவை பலருக்கும் பிடித்து போக பெண்கள் மட்டுமின்றி ஆண்களும் அருந்த தொடங்கினர். இந்நிலையில் சிங்கப்பூரில் மிகவும் பிரபலமாக மாறி, அந்நாட்டின் தேசிய மது வகை என்ற புகழையும் பெற்றிருக்கிறது. இன்று வரை சிங்கப்பூர் ஸ்லிங்கிற்கு இருக்கும் மவுசு குறையவில்லை.
என்ன ஸ்பெஷல்?
கிரனடைன், செர்ரி ஆகியவற்றின் கலப்பால் பார்ப்பதற்கு லைட் லிங் நிறத்தில் இருக்கும். இந்த மதுபானத்தை பரிமாறும் அழகே தனி என்று சொல்லலாம். அதாவது, நல்ல பெரிய க்ளாஸில், அன்னாசி பழத் துண்டு உடன் கொண்டு வரப்படும். இந்த காக்டெய்ல் மதுவில் ஜின், அன்னாசி பழ ஜூஸ், எலுமிச்சை பழ ஜூஸ், குரகோவா, பெனடிக்டைன் ஆகியவை இடம்பெற்றிருக்கும்.
ராஃபெல்ஸ் ஓட்டல்
இந்த சிங்கப்பூர் ஸ்லிங் பானம் தற்போது அந்நாட்டில் பிரபலமான ராஃபெல்ஸ் ஓட்டலில் பரிமாறப்படுகிறது. இது பாரம்பரிய பானமாக 100 ஆண்டுகளை தாண்டி பரிமாறப்பட்டு வருகிறது. இதன் ஒரு கிளாஸ் விலை 29 டாலர். இந்திய மதிப்பில் 2,400 ரூபாய் ஆகும்.
பியூட்டி பார்லர்களுக்கு தடை… பிழைப்பு போச்சு… தலிபான் உத்தரவால் பெரிய சிக்கலில் ஆப்கன் பெண்கள்!
ஒரு நாள் வருவாய்
நாள் ஒன்றுக்கு குறைந்தது 1,000 க்ளாஸ்கள் விற்கப்பட்டு விடுமாம். அப்படி பார்த்தால் தினசரி 2.38 லட்ச ரூபாய் அளவிற்கு வருமானம் கிடைக்கிறது. இது ராஃபெல்ஸ் ஓட்டலுக்கே உரிய தனிச் சிறப்பாக பார்க்கப்படுகிறது. வேறு கடைகளில் இந்த பானம் கிடைக்காது. இந்த செய்தி தற்போது சமூக வலைதளங்களில் பெரிதும் வைரலாகி பெரிதும் கவனம் பெற்றுள்ளது.
சிங்கப்பூரில் உள்ள ராஃபெல்ஸ் ஓட்டலுக்கு இரண்டாம் எலிசபெத் ராணி, ஜான் வெய்னி, லிஸ் டெய்லர், மைக்கேல் ஜாக்சன் போன்ற உலகப் புகழ்பெற்ற பிரபலங்கள் வருகை புரிந்திருப்பது குறிப்பிடத்தக்கது.