நெல்சன் திலீப்குமார் இயக்கத்தில் ரஜினி நடிப்பில் உருவாகியுள்ள படம் ‘ஜெயிலர்’. இந்தப்படத்திலிருந்து அண்மையில் ‘காவாலா’ என்ற பாடல் வெளியானது. ரசிகர்கள் மத்தியில் அமோக வரவேற்பை பெற்ற இந்தப்பாடலுக்கு ரசிகர்கள் தொடர்ச்சியாக வைப் செய்து வருகின்றனர். இந்நிலையில் ‘ஜெயிலர்’ படத்தின் அடுத்த அதிரடியாக இரண்டாவது சிங்கிளின் முன்னோட்ட வீடியோ வெளியாகி எதிர்பார்ப்பினை எகிற செய்துள்ளது.
‘ஜெயிலர்’ படத்தின் முதல் அப்டேட்டாக ‘காவாலா’ என்ற பாடல் வெளியானது. அனிருத் இசையில் தமன்னாவின் அசத்தலான நடனத்தில் இந்தப்பாடல் வெளியானது. சூப்பர் ஸ்டார் படத்தின் முதல் அப்டேட்டாக ஹீரோயினை மையப்படுத்தி பர்ஸ்ட் சிங்கிள் வெளியானது ஏகப்பட்ட விமர்சனங்களை சந்தித்தது. இந்த நெகட்டிவ் கமெண்ட்களை எல்லாம் தாண்டி ‘காவாலா’ பாடல் யூடியூப் டிரெண்டிங்கில் மாஸ் காட்டி வருகிறது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் இரணடாவது சிங்கிளாக ‘இது டைகரின் கட்டளை’ என்ற பாடலை வரும் 17 ஆம் தேதி வெளியிட திட்டமிட்டுள்ளனர் படக்குழுவினர். இதற்கு முன்பாக தற்போது ‘ஹூக்கும்’ என துவங்கும் இந்தப்பாடலின் முன்னோட்ட வீடியோ வெளியாகியுள்ளது. இந்த வீடியோவில், இங்க நான்தான் கிங். நான் வைச்சது தான் ரூல்ஸ். அந்த ரூல்சை என் இஷ்டத்துக்கு அப்போ அப்போ மாத்திட்டே இருப்பேன். அதை கப்சிப்ன்னு கேட்டுட்டு பாலோ பண்ணனும்.
அதை விட்டுட்டு ஏதாவது அடாவடித்தனம் பண்ணனும் நினைச்ச, உன்னை கண்ட துண்டமா வெட்டி களைச்சு போட்டுடுவேன் என மாஸாக ரஜினி டையலாக் பேசுவது இடம்பெற்றுள்ளது. இந்த முன்னோட்ட வீடியோ தற்போது ரசிகர்கள் மத்தியில் எக்கச்சக்கமான எதிர்பார்ப்பினை கிளப்பியுள்ளது. ‘காவாலா’ பாடலுக்கு குவிந்த நெகட்டிவ் விமர்சனங்களுக்கு எல்லாம் பதிலடி கொடுக்கும் விதமாக இந்த மாஸ் பாடலை தற்போது நெல்சன் இறங்கியுள்ளதாக ரசிகர்கள் கமெண்ட் அடித்து வருகின்றனர்.
Simbu: ‘எஸ்டிஆர் 48’ பட லுக்கா.? வெறித்தனமாக ரெடியாகும் சிம்பு: தீயாய் பரவும் புகைப்படம்.!
‘அண்ணாத்த’ படத்தினை தொடர்ந்து ஒன்றரை வருடங்களுக்கு பிறகு வெளியாகும் ரஜினி படம் என்பதால் ரசிகர்கள் மத்தியில் மிகுந்த எதிர்பார்ப்பினை கிளப்பியுள்ளது ‘ஜெயிலர்’. தனது முந்தைய படங்களை விட இதனை அதிரடி ஆக்ஷன் காட்சிகளுடன் இயக்கி வருகிறார் நெல்சன். சன் பிக்சர்ஸ் தயாரிக்கும் இந்தப்படத்திற்கு அனிருத் ரவிச்சந்தர் இசையமைக்கிறார்.
‘ஜெயிலர்’ படத்தில் ரஜினியுடன் ரம்யா கிருஷ்ணன், தமன்னா, வசந்த் ரவி, விநாயகன், யோகி பாபு, மிர்னா உள்ளிட்ட பலர் இணைந்து நடித்து வருகின்றனர். மேலும், மோகன்லால், சிவராஜ்குமார், ஜாக்கி ஷெரப், சுனில் உள்ளிட்ட பல மொழிகளை சார்ந்த பிரபலங்கள் நடித்துள்ளனர். விரைவில் ‘ஜெயிலர்’ படத்தின் இசை வெளியீட்டு விழாவை பிரம்மாண்டமாக நடத்த படக்குழுவினர் திட்டமிட்டுள்ளது குறிப்பிடத்தக்கது.
Maaveeran: மாவீரனில் மகள் அதிதியின் நடிப்பு: இயக்குனர் ஷங்கர் என்ன சொல்லிருக்காரு பாருங்க.!