சிவகார்த்திகேயன் நடிப்பில் அஸ்வினின் இயக்கத்தில் வெளியான திரைப்படம் தான் மாவீரன். மிகப்பெரிய எதிர்பார்ப்பில் நேற்று திரையில் வெளியான மாவீரன் திரைப்படம் பாசிட்டிவான விமர்சனங்களையே பெற்று வருகின்றது. முதலில் மாவீரன் திரைப்படம் ஆகஸ்ட் மாதம் வெளியாவதாக இருந்தது. ஆனால் ரஜினியின் ஜெயிலர் திரைப்படமும் ஆகஸ்ட் மாதம் வெளியாவதாக அறிவிப்பு வந்ததால் மாவீரன் திரைப்படம் ஜூலை மாதத்திற்கு தன் ரிலீஸ் தேதியை மாற்றிவிட்டது.
இதையடுத்து படத்தின் ப்ரோமோஷன் வேலைகளில் சிவகார்த்திகேயன் உட்பட படக்குழு அனைவரும் தீவிரமாக இறங்கினார்கள். தமிழ்நாடு மட்டுமல்லாமல் ஆந்திரா, கேரளா போன்ற மாநிலங்களிலும் படத்திற்கு ப்ரோமோஷன் செய்தனர்.
முதல் நாள் வசூல்
இதன் காரணமாக மாவீரன் படத்திற்கு ஹைப் இருந்து வந்தது. இந்நிலையில் நேற்று வெளியான மாவீரன் திரைப்படம் ரசிகர்கள் மத்தியில் நல்ல வரவேற்பை பெற்று வருகின்றது. படம் பார்த்த ரசிகர்கள் அனைவரும் படத்திற்கு பாசிட்டிவான விமர்சனங்களையே தந்து வருகின்றனர்.
Maaveeran: மாவீரன் படத்திற்காக விஜய் சேதுபதி வாங்கிய சம்பளம்..அசந்துபோன திரையுலகம்..!
பாண்டஸி கதைக்களத்தில் வெளியான இப்படம் ஒரு சிறந்த கமர்ஷியல் படமாகவும், அதே சமயத்தில் வித்தியாசமாகவும் இருப்பதாகவும் விமர்சனங்கள் வருகின்றன. இந்நிலையில் இப்படத்தை பார்த்த பெரும்பாலான ரசிகர்கள் சிவகார்த்திகேயனின் நடிப்பை தான் வெகுவாக பாராட்டி வருகின்றனர்.
வழக்கமான சிவகார்த்திகேயனின் படங்களில் இருக்கும் எந்த சாயலும் இப்படத்தில் இல்லாமல் முற்றிலும் மாறுபட்ட சிவகார்த்திகேயனாக ரசிகர்களுக்கு தெரிகிறார். இதுவே படத்திற்கு கூடுதல் பலமாக அமைந்துள்ளது. அவரின் கெட்டப் முதல் உடல்மொழி வரை அனைத்தும் மாவீரன் படத்தில் வித்யாசமாக இருப்பதாக ரசிகர்கள் கருத்து தெரிவித்து வருகின்றனர்.
சாதனை படைக்கும் மாவீரன்
மற்றபடி படத்தில் நடித்த அதிதி ஷங்கர், சரிதா, மிஸ்கின் ஆகியோரும் தங்களின் சிறப்பான நடிப்பை வெளிப்படுத்தியுள்ளனர். குறிப்பாக யோகிபாபுவின் காமெடி செமையாக ஒர்கவுட் ஆகியுள்ளதாம்.இந்நிலையில் நேற்று வெளியான மாவீரன் திரைப்படம் விமர்சன ரீதியாக மட்டுமல்லாமல் வசூல் ரீதியாகவும் மிகப்பெரிய வெற்றியை பதிவு செய்து வருகின்றது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
நேற்று முதல் நாளில் சென்னையில் மட்டும் மாவீரன் திரைப்படம் கிட்டத்தட்ட இரண்டு கோடிவரை வசூலித்துள்ளதாம். மேலும் இந்த வருடம் வெளியான படங்களிலேயே முதல் நாளில் அதிக வசூலை ஈட்டிய நான்காவது படமாக மாவீரன் அமைந்துள்ளதாம். இந்நிலையில் உலகளவில் மாவீரன் திரைப்படம் முதல் நாளில் மட்டும் பத்து கோடி வரை வசூலித்துள்ளதாக தகவல் வருகின்றது. இனி வரும் நாட்களில் மாவீரன் படத்தின் வசூல் அதிகரிக்கும் என எதிர்பார்க்கப்படுவது குறிப்பிடத்தக்கது.