தென்மேற்கு பருவமழை காரணமாக கேரளாவில் நல்ல மழைப்பொழிவு இருக்கும் சமயங்களில் மேற்கு தொடர்ச்சி மலையை ஒட்டிய மாவட்டங்களில் மழை பெய்து வந்தது. தற்போது அது குறைந்துள்ளது.
ஒரு வாரத்துக்கு தமிழகத்தில் ஒரிரு இடங்களில் மிதமான மழைப்பொழிவு இருக்கும் என்று சென்னை வானிலை ஆய்வு மையம் தெரிவித்துள்ளது இருப்பினும் எந்தெந்த பகுதிகள் என்பது குறிப்பிடப்படவில்லை.
இந்த சூழலில் வெப்பநிலையும் இயல்பிலிருந்து 2 முதல் 4 டிகிரி செல்சியஸ் அதிகரிக்கும் என்று கூறியிருப்பது மக்களிடையே அதிர்ச்சியை ஏற்படுத்தியுள்ளது.
மிதமான மழைக்கு வாய்ப்பு!
தமிழ்நாட்டில் மேற்கு திசை காற்றின் வேக மாறுபாடு காரணமாக, இன்று (ஜூலை 21) முதல் ஜூலை 23 வரை தமிழ்நாடு, புதுச்சேரி மற்றும் காரைக்கால் பகுதிகளில் ஓரிரு இடங்களில் லேசானது முதல் மிதமான மழை பெய்யக்கூடும் என்று சென்னை வானிலை ஆய்வு மையம் அறிவித்துள்ளது.
ஜூலை 24, 25ஆம் தேதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும்.
புகைப்பட கண்காட்சி மற்றும் பள்ளி மாணவ மாணவிகள் பங்கேற்ற பேரணி நடைபெற்றது.
ஜூலை 26, 27ஆம் தேதிகளில் ஓரிரு இடங்களில் லேசானது முதல் மிதமான மழை பெய்யக்கூடும் என்று தெரிவிக்கப்பட்டுள்ளது.
எகிறும் வெப்பநிலை – மக்கள் கவலை!
இன்றும் நாளையும் தமிழ்நாட்டில் ஒரு சில இடங்களில் அதிகபட்ச வெப்பநிலை 37 டிகிரி முதல் 39 டிகிரி செல்சியஸ் அளவில் இருக்கக்கூடும் என்றும் இயல்பிலிருந்து 2 முதல் 4 டிகிரி செல்சியஸ் அதிகமாக இருக்கக்கூடும் என்று அறிவிக்கப்பட்டுள்ளதால் மக்கள் அதிர்ச்சியடைந்துள்ளனர்.
சென்னை வானிலை எப்படி இருக்கும்?
சென்னை மற்றும் புறநகர் பகுதிகளைப் பொறுத்தவரை இரு நாள்களுக்கு வானம் ஓரளவு மேகமூட்டத்துடன் காணப்படும் என்றும் அதிகபட்ச வெப்பநிலை 37 முதல் 38 டிகிரி செல்சியஸ் என்ற அளவிலும் குறைந்தபட்ச வெப்பநிலை 29 முதல் 30 டிகிரி செல்சியஸ் என்ற அளவிலும் இருக்கும் என்று தெரிவிக்கப்பட்டுள்ளது.
தெலங்கானாவில் கனமழை!
வங்கக்கடலில் நிலவும் காற்றழுத்த தாழ்வு பகுதி இன்று (ஜூன் 21) தெற்கு ஒரிசா – வடக்கு ஆந்திர கடலோரப்பகுதிகளில் நிலவுகிறது. இதனால் ஆந்திரா, தெலுங்கானா, ஒரிசா உள்ளிட்ட மாநிலங்களில் கனமழை வெளுத்து வாங்குகிறது.