‘காவாலா’ பாடலுக்கு கிடைத்த வரவேற்பு குறித்து நடிகை தமன்னா நெகிழ்ச்சியான பதிவு ஒன்றை தனது ட்விட்டர் பக்கத்தில் பகிர்ந்துள்ளார்.
எகிறும் எதிர்பார்ப்புரஜினி நடிப்பில் மிகுந்த எதிர்பார்ப்பிற்கு மத்தியில் ‘ஜெயிலர்’ படம் உருவாகியுள்ளது. நெல்சன் திலீப்குமார் இயக்கத்தில் உருவாகியுள்ள இதன் படப்படிப்பு முழுமையாக நிறைவடைந்து விட்டது. இதனையடுத்து படத்தின் அப்டேட்களை தொடர்ச்சியாக வெளியிட்டு ரசிகர்கள் மத்தியில் எதிர்பார்ப்பினை கிளப்பி வருகின்றனர். அந்த வகையில் இதன் இரண்டாம் சிங்கிள் அண்மையில் வெளியாகி பட்டித்தொட்டி எங்கும் ஹிட்டடித்தது.
நெல்சன் உறுதி’அண்ணாத்த’ படத்திற்கு பிறகு கிட்டத்தட்ட ஒன்றரை ஆண்டுகளுக்கு பிறகு வெளியாகும் ரஜினி படம் என்பதால் ஜெயிலருக்கு மிகப்பெரிய அளவில் எதிர்பார்ப்பு நிலவி வருகிறது. தமிழ் சினிமாவில் கோலமாவு கோகிலா, டாக்டர் போன்ற டார்க் காமெடி படங்களை இயக்கிய நெல்சன் இந்தப்படத்தினை இயக்கியுள்ளார். மேலும், விஜய் நடிப்பில் கடைசியாக இவர் இயக்கிய ‘பீஸ்ட்’ படம் எக்கச்சக்கமான ட்ரோல்களை சந்தித்தது. இதனால் ஜெயிலரை ஹிட்டாக்கி விட வேண்டும் என்ற உறுதியுடன் உள்ளார் நெல்சன்.
பட்டையை கிளப்பிய காவாலாஇந்நிலையில் ‘ஜெயிலர்’ படத்தினுடைய முதல் அப்டேட்டாக ‘காவாலா’ என்ற பர்ஸ்ட் சிங்கிள் வெளியானது. அனிருத் இசையில் வெளியான இந்தப்பாடலில் தமன்னாவின் துள்ளலான ஆட்டம் ரசிகர்கள் அனைவரையும் கட்டி போட்டது. சூப்பர்ஸ்டார் படத்தில் நாயகியை மையமாக வைத்து பாடல் வெளியானது விமர்சனங்களை கிளப்பினாலும் பட்டித்தொட்டி எங்கும் இந்தப்பாடல் மாஸ் காட்டியது. இந்தப்பாடலில் தமன்னா போட்ட ஆட்டத்திற்கும் ரசிகர்கள் தொடர்ந்து வைப் செய்து வருகின்றனர்.
தமன்னா நெகிழ்ச்சிஇந்நிலையில் ‘காவாலா’ பாடலுக்கு அளவில்லாமல் கிடைத்துள்ள வரவேற்பு குறித்து நடிகை தமன்னா தனது ட்விட்டர் பக்கத்தில், ‘காவாலா பாடலுக்கு கிடைக்கும் அன்பு மிகவும் மகிழ்ச்சியாகவும், நெகிழ்ச்சியாகவும் உள்ளது. இது உண்மையில் சினிமாவில் என்னுடைய பணிக்கான நிகரில்லா ஒரு அங்கீகாரம். உங்களுடைய அன்பும், ஆதரவும் எனக்கு எவ்வளவு முக்கியம் என்பதை விவரிக்க முடியவில்லை. என்னுடைய இதயத்தின் ஆழத்திலிருந்து நன்றியை தெரிவித்து கொள்கிறேன்’ என நெகிழ்ச்சியுடன் பதிவிட்டுள்ளார்.
கொண்டாடும் ரஜினி ரசிகர்கள்’காவாலா’ பாடலை தொடர்ந்து ‘ஹுக்கும்’ என்ற இரண்டாவது சிங்கிளும் அண்மையில் வெளியானது. சூப்பர் சுப்பு என்ற ரஜினி ரசிகர் எழுதியிருந்த இந்தப்பாடலின் ஒவ்வொரு வரிகளும் ரஜினிக்காகவே செதுக்கியதை போல் இருப்பதாக ரசிகர்கள் கொண்டாடி தீர்த்தனர். சூப்பர்ஸ்டார் பஞ்சாயத்துக்கு எல்லாம் முற்றுப்புள்ளி வைக்கும் விதமாக இந்தப்பாடலின் வரிகள் உள்ளதாக ரஜினி ரசிகர்கள் வைரலாக்கி வந்தனர். ‘ஜெயிலர்’ படம் ஆகஸ்ட் 10 ஆம் தேதி திரையரங்குகளில் ரிலீசாகவுள்ளது குறிப்பிடத்தக்கது.