மக்களவைத் தேர்தல் நெருங்கும் நிலையில் கூட்டணியை பலப்படுத்தும் பணிகளில் முக்கிய கட்சிகள் ஈடுபட்டு வருகின்றன. தமிழ்நாட்டில் அதிமுகவும் பாஜகவும் கூட்டணியில் தொடர்ந்து வரும் போதும் கூட்டணிக் கட்சியினரை பொதுவெளியில் விமர்சித்து பேசுவதை தமிழக பாஜக வாடிக்கையாக வைத்திருந்ததால் இரு கட்சிகளுக்கும் இடையே உறவு அவ்வளவு உவப்பானதாக இல்லை.
இருப்பினும் அதிமுகவுடனான கூட்டணி சேர்ந்தாலே திமுகவை எதிர்க்க முடியும் என்பதை உணர்ந்த பாஜகவின் தேசிய தலைமை, தேசிய ஜனநாய கூட்டணியின் ஆலோசனைக் கூட்டத்துக்கு எடப்பாடி பழனிசாமியை அழைத்து மோடிக்கு அருகில் இருக்கை ஒதுக்கியது.
இனி குறைந்தபட்சம் தேர்தல் வரையாவது அதிமுக- பாஜக கட்சிகள் சர்ச்சையைக் கிளப்பாமல் பயணிக்கும் என்று எதிர்பார்க்கப்பட்டது. என் மண், என் மக்கள் என்ற பெயரில் தமிழ்நாடு முழுவதும் அண்ணாமலை நடை பயணம் மேற்கொள்கிறார். இராமேஸ்வரத்தில் இந்த நிகழ்வை உள்துறை அமைச்சர் அமித்ஷா தொடங்கி வைக்கிறார். இந்த நிகழ்வுக்கு கூட்டணிக் கட்சியினருக்கு அழைப்பு விடுக்கப்பட்டுள்ளது.
தேசிய ஜனநாய கூட்டணியின் ஆலோசனை கூட்டத்துக்கு அழைக்கப்படாத தேமுதிகவுக்கும் இந்த நடை பயணம் தொடக்க நிகழ்ச்சிக்கு பாஜக சார்பில் அழைப்பு சென்றுள்ளது.
க்கும் அழைப்பு விடுக்கப்பட்டது. இதனால் அவரும் நிகழ்வுக்கு செல்ல உள்ளதாகவும், அண்ணாமலை – எடப்பாடி பழனிசாமி இருவருக்குமிடையேயான முரண்களை ஓரமாக வைத்து கை குலுக்க வைக்கும் வேலையை அமித் ஷா பார்ப்பார் என்உ எதிர்பார்க்கப்பட்டது.
“ஏமாற்றுவதில் வல்லவர் ஸ்டாலின்” இபிஎஸ் விமர்சனம்!!
ஆனால் தற்போது வெளிவரும் தகவல்கள் படி எடப்பாடி பழனிசாமி கலந்து கொள்ளமாட்டார் என்று கூறுகின்றனர். தேமுதிகவை கடைசி நேரத்தில் இந்த நிகழ்ச்சிக்கு அழைத்தது போல் தேர்தல் நெருங்கும் சமயத்தில் ஓ.பன்னீர் செல்வத்தையும், டிடிவி தினகரனையும் கூட்டணிக்கு அழைத்துவர பாஜக திட்டம் வகுத்துள்ளதாக கூறப்பட்ட நிலையிலேயே எடப்பாடி பழனிசாமி நடை பயண நிகழ்வை புறக்கணிப்பதாக கூறுகிறார்கள். அதோடு ஜெயலலிதாவை விமர்சித்த அண்ணாமலையுடன் இவ்வளவு சீக்கிரம் கை குலுக்க தேவையில்லை என்பதும் காரணமாக குறுப்பிடுகிறார்கள்.
எடப்பாடி பழனிசாமி இந்த முடிவில் உறுதியாக இருப்பாரா அல்லது அமித் ஷாவுக்காக அண்ணமலையுடன் கரம் கோர்ப்பாரா என்பதை பொறுத்திருந்து தான் பார்க்க வேண்டும்.