ரஜினி நடிப்பில் உருவாகி மிகுந்த எதிர்பார்ப்பை கிளப்பியுள்ள படம் ‘ஜெயிலர்’. நெல்சன் திலீப்குமார் இயக்கியுள்ள இந்தப்படம் துவங்கப்பட்ட நாளில் இருந்த எதிர்பார்ப்பை விட, தற்போது மிகுந்த எதிர்பார்ப்பு கிளம்பியுள்ளது. அதற்கு காரணம் படக்குழுவினரின் தொடர்ச்சியான புரமோஷன். இந்நிலையில் ‘ஜெயிலர்’ படத்தின் அதிரடியான டிரெய்லர் வெளியாகி இணையத்தில் மாஸ் காட்டி வருகிறது.
கோலமாவு கோகிலா, டாக்டர் போன்ற டார்க் காமெடி படங்களை இயக்கிய நெல்சனுடன் முதன்முறையாக ரஜினி இணைகிறார் என்ற போதே ரசிகர்கள் மத்தியில் எதிர்பார்ப்பு எகிறியது. மேலும், படம் துவங்கிய பிறகு பல மொழிகளை சார்ந்த பிரபலங்கள் தொடர்சியாக இந்தப்படத்தில் இணைந்தனர். இதனால் ‘ஜெயிலர்’ படம் மீதான எதிர்பார்ப்பு பான் இந்தியா அளவில் அதிகரித்தது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனையடுத்து ‘ஜெயிலர்’ படப்பிடிப்பு விறுவிறுப்பாக நடந்து முடிந்து புதுப்புது அப்டேட்கள் வெளியிட்டனர். அதன்படி இந்தப்படத்தின் காவாலா, ஹுக்கும், ஜுஜுபி ஆகிய பாடல்கள் தொடர்ச்சியாக வெளியாகி பட்டையை கிளப்பியது. அதனை தொடர்ந்து அண்மையில் ‘ஜெயிலர்’ படத்தின் இசை வெளியீட்டு விழா பிரம்மாண்டமாக நடைபெற்றது.
இவ்விழாவில் ரஜினி கொடுத்த மாஸ் ஸ்பீச் சோஷியல் மீடியா முழுக்க பட்டையை கிளப்பியது. இந்நிலையில் ‘ஜெயிலர்’ படத்தின் மிரட்டலான டிரெய்லர் தற்போது வெளியாகியுள்ளது. ரசிகர்கள் எதிர்பார்த்தபடி துப்பாக்கி குண்டுகள், ரஜினியின் மாஸான ஸ்டைல் என அதிரடியான ஆக்ஷன் காட்சிகளுடன் டிரெய்லர் வெளியாகி பட்டையை கிளப்பி வருகிறது. நெல்சனின் பாணியில் டார்க் காமெடியாக படம் உருவாகியுள்ளதும் டிரெய்லர் மூலம் கன்பார்ம் ஆகியுள்ளது.
Suriya: முதலில் பேசிய ஜோ.. அனைத்தையும் கொடுத்த படம்: ‘காக்க காக்க’ நினைவுகளை பகிர்ந்த சூர்யா.!
அத்துடன் சாந்த சொரூபமாக குடும்ப தலைவனாக வரும் ரஜினி ஒருக்கட்டத்தில் மிரட்டலான முத்துவேல் பாண்டியனாக அவதாரம் எடுக்கிறார். அதே போல் டிரெய்லரில் வில்லன் ஜாக்கி ஷெரஃப், ‘நீ பார்க்குறது போலீஸ்காரனோட அப்பனை. நீ பார்க்காததை நான் பார்த்திருக்கேன்’ என ரஜினிக்கு பில்டப் கொடுக்கிறார். இதனால் படத்தில் ரஜினிக்கு மிரட்டலான பிளாஸ்பேக் காட்சி இடம்பெற்றிருக்கும் என கூறப்படுகிறது.
மேலும், பாட்ஷா பட பாணியில் குடும்பத்துக்காக அமைதியாக ஒதுங்கி இருக்கும் ரஜினி, அதே குடும்பத்துக்காக மிரட்டலாக அவதாரம் எடுப்பதை போன்று ‘ஜெயிலர்’ படம் உருவாகி இருக்கும் என எதிர்பார்க்கப்படுகிறது. மேலும் டிரெய்லரில் சிவராஜ்குமார், மோகன்லால், தமன்னா ஆகியோரை காட்டாமல் உள்ளனர். இதனால் படத்தில் அவர்களின் கதாபாத்திரம் எப்படி இருக்கும் என்பதை அறிய ரசிகர்கள் ஆர்வமுடன் உள்ளனர். ‘ஜெயிலர்’ படம் வரும் ஆகஸ்ட் 10 ஆம் தேதி பிரம்மாண்டமாக ரிலீசாகவுள்ளது குறிப்பிடத்தக்கது.
4 முறை தேசிய விருது வென்ற கலை இயக்குனர் தூக்கிட்டு தற்கொலை: திரையுலகினர் அதிர்ச்சி.!