சாலையில் நின்று வணக்கம் சொன்ன அமமுக செய்தி தொடர்பாளர் சிஆர் சரஸ்வதிக்கு முதல்வர் ஸ்டாலின் சர்ப்ரைஸ் கொடுத்து திக்குமுக்காட செய்துள்ளார்.
ஸ்டாலின் ஆய்வுவடகிழக்கு பருவமழை நெருங்கி வரும் நிலையில் சென்னையின் அனைத்து பகுதிகளிலும் நடைபெற்று வரும் மழை நீர் வடிகால் பணிகளை விரைந்து முடிக்குமாறு உத்தரவிடப்பட்டுள்ளது. இதனை தொடர்ந்து அப்பணிகளும் துரிதமாக நடைபெற்று வருகிறது.சென்னை அசோக் நகர்
இந்நிலையில் முதல்வர் ஸ்டாலின் சென்னை அசோக் நகர் பகுதியில் மழை நீர் வடிகால் பணிகளை ஆய்வு செய்தார். அசோக் நகரில் மூன்று இடங்களில் நடைபெற்று வரும் பணிகளை ஆய்வு செய்த முதல்வர் ஸ்டாலின், இறுதியாக நான்காவது அவென்யூவ் பகுதியில் ஆய்வு மேற்கொண்டார்.
சிஆர் சரஸ்வதி
அப்போது அப்பகுதியில் வசிக்கும் நடிகையும் அமமுக கட்சியின் செய்தி தொடர்பாளர் மற்றும் கொள்கை பரப்பு செயலாளரான சிஆர் சரஸ்வதி வீட்டு வாசலில் நின்று காரில் சென்ற முதல்வர் ஸ்டாலினுக்கு வணக்கம் தெரிவித்தார். இதனை கவனித்த முதல்வர் ஸ்டாலின் உடனடியாக காரை திருப்பிக்கொண்டு சிஆர் சரஸ்வதி நின்ற பக்கம் வந்து காரை விட்டு இறங்கினார்.
நலம் விசாரித்த ஸ்டாலின்
இதனை சற்றும் எதிர்பாராத சிஆர் சரஸ்வதி, இன்ப அதிர்ச்சியில் ஆடிப்போனார். சிஆர் சரஸ்வதிக்கு பதிலுக்கு வணக்கம் கூறிய முதல்வர் ஸ்டாலின் அவரிடம் நலம் விசாரித்தார். தொடர்ந்து, இந்த ஏரியாவில் என்ன பிரச்சனை என சிஆர் சரஸ்வதியிடம் கேட்டார் முதல்வர் ஸ்டாலின்.
பிரச்சனை விரைவில் தீரும்அப்போது கழிவு நீர் செல்லாமல் தேங்கியிருப்பதாக கூறிய சிஆர் சரஸ்வதியிடம், நான் வந்து ஆய்வு செய்திருக்கிறேன் அல்லவா, இனி உங்கள் பிரச்சனை எல்லாம் தீர்ந்துவிடும் என கூறிய ஸ்டாலின் நன்றி தெரிவித்துவிட்டு காரில் புறப்பட்டார். இதுகுறித்து பேசிய சிஆர் சரஸ்வதி, முதல்வர் ஸ்டாலின் காரை யூடர்ன் செய்து வந்து தன்னிடம் விசாரிப்பார் என்பதை சற்றும் எதிர்பார்க்கவில்லை என்றார்.
அதிர்ச்சி சர்ப்ரைஸ்முதல்வர் தன்னிடம் பேசியது எதிர்பார்க்காத அதிர்ச்சி சர்ப்ரைஸ் என்றும், இங்குள்ள பிரச்சனைகள் அனைத்தும் விரைவில் சரிசெய்யப்படும் என்று முதல்வர் உறுதி அளித்தார் என்றும் கூறினார். முதல்வரை பக்கத்தில் இருந்துகூட இதுவரை தான் பார்த்ததில்லை, அவரிடம் பழகியதும் இல்லை என்ற சிஆர் சரஸ்வதி, ஒரு முதலமைச்சர் இறங்கி வந்து நலம் விசாரித்தது அதிர்ச்சியான சர்ப்ரைஸாகவும் அதே சமயம் மகிழ்ச்சியாகவும் உள்ளது என்று கூறினார்.