சிவகார்த்திகேயன் நடிப்பில் அண்மையில் வெளியான ‘மாவீரன்’ படம் ரசிகர்கள் மத்தியில் நல்ல வரவேற்பினை பெற்றது. ‘பிரின்ஸ்’ தோல்வியால் துவண்டு போயிருந்த சிவகார்த்திகேயனுக்கு ‘மாவீரன்’ வெற்றி புது தெம்பை கொடுத்துள்ளது. இந்நிலையில் சிவகார்த்திகேயனின் புதிய படம் குறித்து வெளியாகியுள்ள லேட்டஸ்ட் தகவல் சோஷியல் மீடியாவில் வைரலாகி வருகிறது.
டான், பிரின்ஸ் படங்களை தொடர்ந்து மடோன் அஸ்வின் இயக்கத்தில் ‘மாவீரன்’ படத்தில் நடித்தார் சிவகார்த்திகேயன். யோகி பாபு நடிப்பில் வெளியாகி பெரிதும் கவனம் ஈர்த்த ‘மண்டேலா’ படத்திற்கு பிறகு மாவீரனை இயக்கினார் மடோன் அஸ்வின். இயக்குனர் மிஷ்கின் வில்லனாக நடித்த இந்தப்படத்தில் அதிதி ஷங்கர், சரிதா, யோகி பாபு உள்ளிட்டோர் நடித்திருந்தனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
மேலும் இந்தப்படத்தில் சிவகார்த்திகேயனுக்கு கேட்கும் அசரீரி குரலுக்காக நடிகர் விஜய் சேதுபதி வாய்ஸ் கொடுத்தார். சம்பளமே வாங்காமல் அவர் செய்த இந்த செயல் கோலிவுட் திரையுலகினர் மத்தியில் ஆச்சரியத்தை ஏற்படுத்தியது. மேலும் விமர்சனரீதியாக வரவேற்பை பெற்றதுடன் வசூலிலும் சாதனை படைத்தது ‘மாவீரன்’.
இந்தப்படத்தை தொடர்ந்து தற்போது உலக நாயகனின் ராஜ் கமல் பிலிம்ஸ் தயாரிக்கும் ‘எஸ்கே 21’ படத்தில் நடித்து வருகிறார் சிவகார்த்திகேயன். ராஜ்குமார் பெரியசாமி இயக்கும் இந்தப்படத்தில் சாய் பல்லவி கதாநாயகியாக நடிக்கிறார். சிவகார்த்திகேயன் இந்தப்படத்தில் இராணுவ வீரராக நடிக்கிறார். ‘எஸ்கே 21’ படப்பிடிப்பு தற்போது காஷ்மீரில் நடைபெற்று வருகிறது.
Trisha: பிரபல ஹீரோவுக்கு அம்மாவாகும் திரிஷா: ‘எப்புட்றா’ என கேட்கும் ரசிகர்கள்.!
இந்நிலையில் ஏ.ஆர். முருகதாஸ் இயக்கத்தில் புதிய படம் ஒன்றிலும் சிவகார்த்திகேயன் நடிக்கவுள்ளதாக கூறப்படுகிறது. தீனா, ரமணா, கஜினி, துப்பாக்கி, கத்தி போன்ற படங்களை இயக்கி வரவேற்பை பெற்ற ஏ.ஆர். முருகதாஸ் இயக்கத்தில் கடைசியாக ரஜினி நடிப்பில் வெளியான ‘தர்பார்’ படம் தோல்வியை சந்தித்தது. இதனையடுத்து தற்போது 3 ஆண்டுகளுக்கு பிறகு சிவகார்த்திகேயன் நடிப்பில் புதிய படத்தை இயக்கவுள்ளார் ஏ.ஆர். முருகதாஸ்.
இந்நிலையில் லேட்டஸ்ட் தகவலாக இந்தப்படத்தில் சிவகார்த்திகேயன் ஜோடியாக மிருணாள் தாகூர் நடிக்கவுள்ளதாக செய்திகள் வெளியாகி எதிர்பார்ப்பை கிளப்பியுள்ளது. ‘சீதா ராமம்’ படத்தில் இளவரசி நூர்ஜஹானாக நடித்து தென்னிந்திய ரசிகர்களின் மனங்களை கொள்ளையடித்த மிருணாள், ஏ.ஆர். முருகதாஸ் – சிவகார்த்திகேயன் படம் மூலம் தமிழ் சினிமாவில் அறிமுகமாகவுள்ளதாக கூறப்படுகிறது. மேலும் இந்தப்படத்திற்கு அனிருத் இசையமைக்கவுள்ளதாகவும் தகவல்கள் வெளியாகியுள்ளது குறிப்பிடத்தக்கது.
Samantha: சிகிச்சைக்காக பிரபல நடிகரிடம் ரூ. 25 கோடி கடன் வாங்கினேனா.?: சமந்தா விளக்கம்.!