லோகேஷ் கனகராஜ் இயக்கத்தில் லியோ படத்தில் நடித்து முடித்துவிட்டார் விஜய். பட வேலை முடிந்ததும் வெகேஷனுக்காக வெளிநாட்டிற்கு சென்றிருக்கிறார். நாடு திரும்பியதும் வெங்கட் பிரபு இயக்கத்தில் தளபதி 68 படத்தில் நடிக்கவிருக்கிறார்.
சொல்லி அடித்த நெல்சன் ரஜினியின் பெரிய Hit
லியோ பட வேலை முடியும் முன்பே தளபதி 68 படம் குறித்து அதிகாரப்பூர்வ அறிவிப்பு வெளியிடப்பட்டது. அந்த படத்திற்கு யுவன் ஷங்கர் ராஜா இசையமைக்கிறார்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
தளபதி 68 படத்தில் விஜய்க்கு ஜோடியாக ஜோதிகாவை நடிக்க வைக்க ஏற்பாடுகள் நடந்து வருவதாக தகவல் வெளியாகியிருக்கிறது. முன்னதாக குஷி, திருமலை ஆகிய படங்களில் விஜய்க்கு ஜோடியாக ஜோதிகா நடித்தார்.
விஜய்க்கு ராசியான ஹீரோயின்களில் ஜோதிகாவும் ஒருவர். அவர்கள் சேர்ந்து நடித்த இரண்டு படங்களுமே வெற்றி பெற்றன. விஜய்யின் கெரியரில் முக்கியமான படங்களாக அமைந்தன. இந்நிலையில் தான் அந்த ராசியான ஜோடி மீண்டும் சேர்ந்து நடிக்கவிருப்பதாக தகவல் வெளியாகி ரசிகர்களை மகிழ்ச்சி அடைய வைத்திருக்கிறது.
குஷி, திருமலை படங்களில் நடிக்கும்போது எல்லாம் ஜோதிகா சிங்கிள். ஆனால் அவர் தற்போது சூர்யாவின் மனைவி. இந்த விஜய் ரசிகர்களுக்கும், சூர்யா ரசிகர்களுக்கும் ஆகவே ஆகாது. விஜய்யும், சூர்யாவுமே தற்போதும் நண்பர்களா என்பது தெரியவில்லை.
அப்படி இருக்கும்போது தன் மனைவியை விஜய்க்கு ஜோடியாக நடிக்க சூர்யா அனுமதிப்பாரா என சமூக வலைதளவாசிகள் கேள்வி எழுப்பியுள்ளனர்.
அதற்கு சூர்யா ரசிகர்கள் கூறியிருப்பதாவது,
விஜய்க்காக ஜோதிகா அண்ணியை அவருடன் சேர்ந்து நடிக்க வேண்டாம் என்று சொல்லும் ஆள் இல்லை சூர்யா அண்ணா. அவர் பெருந்தன்மையுடன் நடந்து கொள்பவர். விஜய் படத்தில் நடிப்பதா, வேண்டாமா என்பதை ஜோதிகா அண்ணி தான் முடிவு செய்ய வேண்டும் என தெரிவித்துள்ளனர்.
திருமணம், குழந்தைகள் என்றான பிறகு சினிமாவில் இருந்து பிரேக் எடுத்தார் ஜோதிகா. அவர் திரும்பி வந்த 36 வயதினிலே படத்தை தன் 2டி என்டர்டெயின்மென்ட் நிறுவனம் மூலம் தயாரித்தார் சூர்யா.
Jailer Collection: நாலே நாளில் ரூ. 300 கோடி வசூலித்த ஜெயிலர்: இந்தியாவில் மட்டும்…
ஜோதிகாவின் செகண்ட் இன்னிங்ஸ் வெற்றிகரமாக செல்ல முக்கிய காரணமாக இருந்து வருகிறார் சூர்யா. மேலும் எந்த படத்தில் ஜோதிகா நடிக்க வேண்டும் என்பதில் தலையிடும் ஆள் இல்லை அவர். அதனால் தளபதி 68 படத்தில் ஜோதிகா நடித்தாலும் சரி, நடிக்காவிட்டாலும் சரி அது அவரின் முடிவாகத் தான் இருக்கும்.
இதற்கிடையே விஜய் படத்தில் நடித்தால் மட்டும் போதாது அடுத்ததாக அஜித் குமார் ஜோடியாக ஜோதிகா நடிக்க வேண்டும். அந்த ஜோடி எங்களுக்கு ரொம்ப பிடிக்கும். அதனால் அஜித், ஜோதிகா க்யூட் ஜோடியை மீண்டும் திரையில் பார்க்க காத்துக் கொண்டிருக்கிறோம் என சினிமா ரசிகர்கள் தெரிவித்துள்ளனர்.
அஜித் தன் வயதிற்கு ஏற்ற கதாபாத்திரங்களில் தான் நடித்து வருகிறார். அதனால் ஒரு பிள்ளைக்கு தாயாக ஜோதிகா தாராளமாக நடிக்கலாம். மேலும் அஜித்துக்கு ராசியான ஹீரோயின் ஜோதிகா என்கிறார்கள் ரசிகர்கள்.
Suriya:ரோலக்ஸை மையமாக வைத்து கதை சொன்ன லோகேஷ் கனகராஜ்: ஓகே சொன்ன சூர்யா
இதற்கிடையே ரோலக்ஸை வைத்து ஒரு படம் வரப் போகிறது என சூர்யா தெரிவித்திருப்பது தான் அனைவரின் கவனத்தையும் ஈர்த்திருக்கிறது.