ரஜினியின் ‘ஜெயிலர்’ படம் கர்நாடகாவில் அதிகம் வசூல் செய்த இரண்டாவது கோலிவுட் படம் என்ற புதிய சாதனையை படைத்துள்ளது.
புதிய சாதனை’அண்ணாத்த’ படத்திற்கு குவிந்த நெகட்டிவ் விமர்சனத்திற்கு பிறகு ‘ஜெயிலர்’ வெளியாகி ரஜினியின் மார்கெட்டை தூக்கி நிறுத்தியுள்ளது. இதுவரை பாக்ஸ் ஆபிஸில் இருந்த பல சாதனைகளை முறியடித்து புதிய சாதனைகளை படைத்து வருகிறது ஜெயிலர். இதனால் ரஜினி உட்பட படக்குழுவினர் மிகுந்த கொண்டாட்டத்தில் உள்ளனர்.
குவியும் வாழ்த்துக்கள்’பேட்ட’ படத்திற்கு பிறகு ரஜினிக்கான முழு மாஸ் படமாக வெளியாகியுள்ள ஜெயிலரை நெல்சன் திலீப்குமார் இயக்கியுள்ளார். ‘பீஸ்ட்’ படத்திற்கு குவிந்த நெகட்டிவ் விமர்சனங்கள் எல்லாம் தவிடுபொடியாகும் அளவிற்கு ‘ஜெயிலர்’ படம் மூலம் தரமான கம்பேக் கொடுத்துள்ளார் நெல்சன் திலீப்குமார். இதற்காக கமல், விஜய் என பல தரப்பில் இருந்தும் அவருக்கு வாழ்த்துக்கள் குவிந்து வருகிறது.
தலைவர் இஸ் பேக்கடந்த வாரம் வெளியான ‘ஜெயிலர்’ படம் ரிலீசான நாளில் இருந்தே பாசிட்டிவ் விமர்சனங்களை குவித்து வருகிறது. விண்டேஜ் தலைவர் இஸ் பேக் என ரசிகர்கள் பயர் விடும் அளவிற்கு காட்சிக்கு காட்சி மாஸ் காட்டியுள்ளார் ரஜினி. அத்துடன் மோகன்லால், சிவராஜ்குமார் சம்பந்தமான காட்சிகளையும் தரமாக படமாக்கியுள்ளார் நெல்சன். இதனால் சூப்பரான மாஸ் படமாக ஜெயிலரை கொண்டாடி வருகின்றனர் ரசிகர்கள்.
இரண்டாவது கோலிவுட் படம்இந்நிலையில் வசூலிலும் பல சாதனைகளை படைத்து வருகிறது ‘ஜெயிலர்’. கேரளாவில் கமலின் விக்ரம் பட வசூல் சாதனையை முந்தி அதிக கலெக்ஷன் செய்துள்ளது. இதனிடையில் கர்நாடகாவிலும் வரவேற்பை பெற்று வரும் ‘ஜெயிலர்’ ரூ. 50 கோடி வரை வசூலித்துள்ளதாக கூறப்படுகிறது. இதன்மூலம் கர்நாடகாவில் அதிகம் வசூல் செய்த இரண்டாவது கோலிவுட் படம் என்ற புதிய சாதனையை படைத்துள்ளது. முதலிடத்தில் ரஜினியின் 2.0 படம் உள்ளது.
தலைவர் 170உலகமெங்கும் ‘ஜெயிலர்’ படத்திற்கு கிடைத்து வரும் அமோக வரவேற்பால் பெரும் மகிழ்ச்சியில் உள்ளார் ரஜினி. இதனை நெல்சன் திலீப்குமாரே பல பேட்டிகளில் கூறி வருகிறார். ‘ஜெயிலர்’ படம் கொடுத்துள்ள புது தெம்புடன் அடுத்ததாக த.செ. ஞானவேல் இயக்கத்தில் ‘தலைவர் 170’ படத்தில் நடிக்கவுள்ளார் ரஜினி. உண்மை சம்பவங்களை மையமாக வைத்து உருவாகவுள்ள இப்படத்தின் ஷுட்டிங் விரைவில் துவங்கும் என எதிர்பார்க்கப்படுகிறது.
ஜெயிலர்