விஜய்யின் லியோ ஆடியோ ரிலீஸ் எங்கே? எப்போது?
லோகேஷ் கனகராஜ் இயக்கத்தில் விஜய் நடித்திருக்கும் லியோ படம் அக்டோபர் 19ம் தேதி திரைக்கு வருகிறது. தற்போது இறுதிக்கட்ட பணிகள் நடைபெற்று வரும் நிலையில், விரைவில் புரமோஷனை தொடங்க உள்ளார்கள். அதன் முதல்கட்டமாக லியோ படத்தின் இசை வெளியீட்டு விழாவை பிரமாண்டமாக நடத்த திட்டமிட்டுள்ளார்கள். இப்படத்தின் இசை வெளியீட்டு விழா மதுரையில் நடைபெறும், மலேசியாவில் நடைபெறும் என்று இரண்டு விதமான செய்திகள் வெளியாகிவந்த நிலையில் அது குறித்த அதிகாரப்பூர்வ தகவல்கள் எதுவும் வெளியாகவில்லை.
இந்நிலையில் தற்போது அக்டோபர் 5ம் தேதி மலேசியாவில் லியோ படத்தின் இசை வெளியீட்டு விழா நடைபெற இருப்பதாக லியோ பட வட்டாரத்தில் இருந்து ஒரு தகவல் கசிந்துள்ளது. இதுவரை விஜய் படங்களின் இசை வெளியீட்டு விழா, தமிழகத்தில் அவரது ரசிகர்கள் முன்னிலையில் நடைபெற்று வந்த நிலையில், முதல் முறையாக ஒரு வெளிநாட்டில் விஜய் படத்தின் இசை விழா நடைபெற உள்ளது என்பது குறிப்பிடத்தக்கது.