விஜய் நடிப்பில் உருவாகியுள்ள ‘லியோ’ படத்தின் அடுத்தடுத்த அப்டேட்டிற்காக ரசிகர்கள் ஆர்வமுடன் காத்திருக்கின்றனர். தமிழ் சினிமாவின் அடுத்த தரமான வெளியீடாக இந்தப்படத்தின் ரிலீஸ் இருக்கும் என்பது தான் ஒட்டுமொத்த கோலிவுட் சினிமாவின் உச்சக்கட்ட எதிர்பார்ப்பாக உள்ளது. அதனை உறுதிப்படுத்தும் விதமாகவும் ‘லியோ’ படத்தின் ப்ரீ பிசினஸ் பட்டையை கிளப்பி வருகிறது.
‘கைதி’ படத்தின் வெற்றிக்கு பிறகு ‘மாஸ்டர்’ படத்தை இயக்கினார் லோகேஷ் கனகராஜ். இந்தப்படத்தின் மூலம் முதன்முதலாக விஜய்யுடன் இணைந்தார். பாக்ஸ் ஆபிஸில் பட்டையை கிளப்பிய இந்தப்படத்தில் லோகேஷ் கனகராஜின் டச் ரொம்பவே குறைவு தான். அதுவும் இல்லாமல் சந்தடி சாக்கில் விஜய் சேதுபதியும் இந்தப்படத்தில் தனியாக ஸ்கோர் செய்துவிட்டு போய்விட்டார். இதனால் தளபதி ரசிகர்கள் ரொம்பவே அப்செட் ஆனார்கள்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அவர்களை கூல் பண்ணும் விதமாக தான் தற்போது லியோவை இயக்கியுள்ளார் லோகேஷ் கனகராஜ். முழுக்க முழுக்க அவருடைய பாணியில் இந்தப்படம் உருவாகியுள்ளது. இதனை அவரே பல பேட்டிகளில் கன்பார்ம் பண்ணவும் செய்துள்ளார். அதே போல் இந்தப்படத்தில் நடித்துள்ளவர்களின் பேட்டிகளும் ரசிகர்களின் எதிர்பார்ப்பினை பல மடங்கு எகிற செய்து வருகிறது.
இந்நிலையில் நடிகர் பாபு ஆண்டனி ‘லியோ’ படம் குறித்து அளித்துள்ள லேட்டஸ்ட் பேட்டி இணையத்தில் வைரலாகி வருகிறது. அப்படி அவர் என்ன சொல்லிருக்கார் என்றால், படத்தில் எனக்கும் விஜய்க்கும் காம்பினேஷன் காட்சிகள் உள்ளது. இந்தப்படம் வழக்கமான ஒன்றாக இருக்காது. ரொம்பவே வித்தியாசமாக இருக்கும். படம் வேறொரு பாதையில் செல்லும்.
‘ஜெயிலர்’ பட சிவராஜ்குமாருக்கு இப்படியொரு ஆசையா.?: ஏகே மனசு வைப்பாரா.?
ஆனால் அதுவும் மாஸாக இருக்கும். கிளைமேக்ஸ் மற்றும் விஜய்யின் சண்டை காட்சிகள் வேறலெவலில் இருக்கும் எனவும் தெரிவித்துள்ளார். அவரின் இந்த நேர்காணலை பார்த்த ரசிகர்கள், எல்லாரும் படம் வித்தியாசமா வந்து இருக்குன்னு சொல்றாங்க. அப்படி லோகேஷ் கனகராஜ் என்ன பண்ணி இருக்காருன்னு பார்க்கணும் என கூறி வருகின்றனர் ரசிகர்கள். இதனால் படம் மீதான் எதிர்பார்ப்பு பல மடங்கு எகிறியுள்ளது.
‘லியோ’ படத்தில் ஆண்டனி தாஸாக சஞ்சய் தத், ஹரோல்ட் தாஸாக அர்ஜுனும் நடித்துள்ளனர். மேலும் பிரபல இயக்குனர்கள் மிஷ்கின், கெளதம் மேனன் மற்றும் திரிஷா, மேத்யூ தாமஸ், பிரியா ஆனந்த், சாண்டி மாஸ்டர் உள்ளிட்ட பல பிரபலங்கள் இந்தப்படத்தில் இணைந்து நடித்துள்ளனர். அனிருத் ரவிச்சந்தர் இசையமைத்துள்ள இந்தப்படம் அக்டோபர் 19 ஆம் தேதி வெளியாகவுள்ளது குறிப்பிடத்தக்கது.
‘ஜெயிலர்’ பட வசூல் கர்நாடகாவில் மட்டும் இவ்வளவா.?: சாதனை படைக்கும் தலைவர்.!