அஜித் தமிழ் சினிமாவில் மட்டுமல்லாமல் இந்திய சினிமாவில் முக்கியமான நடிகர்களில் ஒருவர். என்னதான் இவர் படங்கள் வெற்றி அடைந்தாலும், தோல்வி அடைந்தாலும் ரசிகர்கள் இவரை வெற்றி தோல்விக்கு அப்பாற்பட்ட ரசித்து வருகின்றனர். இதற்கு அஜித்தின் குணமும் அவர் மற்றவர்களிடம் நடந்துகொள்ளும் விதமும் தான் காரணம்.
ரசிகர்கள் தனக்கான நேரத்தையும், பணத்தையும் செலவழிப்பதை விரும்பாத அஜித் தன் ரசிகர் மன்றங்களை கலைத்தார். பின்பு அல்டிமேட் ஸ்டார் மற்றும் தல போன்ற பட்டங்கள் வேண்டாம் என முடிவெடுத்தார். இவ்வாறு பல தைரியமான முடிவுகளை அஜித் எடுத்திருந்தார். இதன் காரணமாகவே ரசிகர்கள் மேலும் இவரை நேசித்து வருகின்றனர்.
தலைவர் 170 படத்திற்காக டோட்டலாக மாறும் ரஜினி..இப்படி ஒரு கெட்டப்பா ? ரசிகர்களுக்கு செம ட்ரீட் தான்..!
எந்த ஒரு நடிகரும் எடுக்க தயங்கும் முடுவுகளை அஜித் துணிவாக எடுத்துள்ளார். இந்நிலையில் அஜித் தன் திரைவாழ்க்கையில் பல இயக்குனர்களுக்கு வாய்பளித்துள்ளார். சரண், எஸ்.ஜெ சூர்யா, சரவணா சுப்பையா, துரை என பல இயக்குனர்களை அடையாளம் கண்டு அவர்களை அறிமுகம் செய்து வைத்தார் அஜித். இதுமட்டுமல்லாமல் பல புதுமுக இயக்குனர்களின் படங்களில் அஜித் நடித்துள்ளார்.
சிங்கம்புலிக்கு செய்துகொடுத்த சத்தியம்
இவ்வாறு அஜித் பல இயக்குனர்களுக்கு வாய்ப்பளித்த நிலையில் ஒரு இயக்குனருக்கு தான் செய்து கொடுத்த சத்தியத்திற்காக ஒரு படத்தில் நடித்து கொடுத்துள்ளார். அந்த இயக்குனர் வேறு யாருமில்லை தற்போது தமிழ் சினிமாவில் பிரபலமான காமெடி நடிகராக வலம் வரும் சிங்கம் புலி தான்.
என்னவென்றால் சிங்கம் புலி இயக்குனர் சுந்தர் சியிடம் உதவி இயக்குனராக பணியாற்றி வந்தார். முறைமாமன் உட்பட பல படங்களில் சுந்தர் சியிடம் உதவி இயக்குனராக பணியாற்றியுள்ளார் சிங்கம் புலி. இந்நிலையில் சுந்தர் சியின் இயக்கத்தில் அஜித்தின் நடிப்பில் வெளியான உன்னை தேடி திரைப்படத்திற்கு சிங்கம் புலி தான் கதை எழுதியுள்ளார். ஆனால் இந்த கதை அஜித்திற்கு திருப்தியாக இல்லை. ஆனாலும் சுந்தர் சியும் சிங்கம் புலியும் இந்த கதை ஒர்கவுட் ஆகும் என்றனர்.
காப்பாற்றிய அஜித்
எனவே அஜித், நான் இந்த கதையில் நடிக்கிறேன். அப்படி இந்த படம் ஹிட்டானால் சிங்கம்புலியின் இயக்கத்தில் ஒரு படத்தில் நான் நடிக்கிறேன் என சத்தியம் செய்து கொடுத்துள்ளார் அஜித். இதையடுத்து உன்னை தேடி திரைப்படம் வெளியாகி வெற்றிபெற்றதை அடுத்து சிங்கம் புலியின் இயக்கத்தில் அஜித் சொன்னதை போலவே நடித்தார்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
ரெட் என்ற படத்தில் சிங்கம் புலியின் இயக்கத்தில் நடித்து அஜித் தான் செய்துகொடுத்த சத்தியத்தை காப்பாற்றினார். என்னதான் ரெட் திரைப்படம் எதிர்பார்த்த வெற்றியை பெறவில்லை என்றாலும் பல அஜித் ரசிகர்களின் மனதிற்கு நெருக்கமான படமாகவே ரெட் இருக்கின்றது.. குறிப்பாக அஜித்தின் ஸ்டைல் மற்றும் அவர் பேசும் அது என்ற வசனம் இன்றளவும் ரசிகர்கள் மத்தியில் பிரபலமாக இருந்து வருகின்றது என்பது குறிப்பிடத்தக்கது.