கிங் ஆஃப் கோதா திரைப்படம் வரும் ஆகஸ்ட் 24 திரையரங்குகளில் வெளியாகிறது. இந்த படம் ஒரு கேங்ஸ்டர் திரைப்படமாகும். இந்த படத்தில் துல்கர் சல்மான், ஐஸ்வர்யா லட்சுமி, கோகுல் சுரேஷ் உள்ளிட்டோர் முக்கிய கதாபாத்திரத்தில் நடிக்கின்றனர். மேலும், இந்த படத்தை மலையாள இயக்குனரான ஜோஷியின் மகன் அபிலாஷ் ஜோஷி இயக்கியுள்ளார். இயக்குனராக இதுவே அபிலாஷ் ஜோஷியின் முதல் திரைப்படமாகும்.
கிங் ஆஃப் கோதா
இந்த படத்தை துல்கரின் வேஃபேரர் ஃபில்ம்ஸ் தயாரிப்பு நிறுவனத்துடன் இணைந்து ஜீ ஸ்டுடியோஸ் தயாரித்துள்ளது. இந்த படத்தின் ட்ரைலர் வெளியானது முதல் படத்திற்க்கான வரவேற்பு அதிகமாகவே உள்ளது. இந்த படம் மலையாளம், தமிழ், தெலுங்கு, கன்னடம், ஹிந்தி உள்ளிட்ட ஐந்து மொழிகளில் வெளியாகிறது.
கோதா ராஜேந்திரனாக துல்கர் சல்மான்
இந்த படத்தில் நடிப்பதற்கு பல்வேறு நடிகர்கள் தேர்ந்தெடுக்கப்பட்டுள்ளனர், துல்கர் சல்மான் ஒரு பக்கா கேங்ஸ்டராகவும், இவருக்கு ஜோடியாக ஐஸ்வர்யா லட்சுமி, ஷபீர் கல்லரக்கல், பிரசன்னா, அனிகா சுரேந்தர், கோகுல் சுரேஷ், நைலா உஷா உள்ளிட்ட பலர் நடித்திருக்கின்றனர்.
படத்தின் கதாநாயகி ஐஸ்வர்யா லக்ஷ்மி
இந்த படத்தின் கதாநாயகன் துல்கர் பிரபல மலையாள நடிகரான மோகன் லால் அவர்களின் மகன். ஒரே மொழியில் படத்தை நடித்து பல மொழிகளில் டப்பிங் செய்து வெளியிடுவது அல்லாமல், ஒவ்வொரு மொழிகளிலும் படத்தை நடித்து அந்தந்த மொழி ரசிகர்களை கவர்ந்தவர் இவர். மலையாளம் மட்டுமல்லாமல், தமிழ், தெலுங்கு, ஹிந்தி ரசிகர்களையும் கவர்ந்து வைத்துள்ளார் துல்கர்.
என் மகன் ஒரு பெரியாரிஸ்ட்தாய் கூறியதை மேற்கோள் காட்டிய சத்யராஜ்.
சீதா ராமம், குருப், சுப் உள்ளிட்ட படங்களை நடித்து வெற்றி கண்ட பிறகு துல்கரின் மார்க்கெட் உயர்ந்துள்ளது. கிங் ஆஃப் கோதா திரைப்படத்தை ஜீ ஸ்டுடியோஸ் உடன் இணைந்து இவரின் வேஃபேரர் ஃபில்ம்ஸ் நிறுவனம் தயாரித்துள்ளது. மேலும், துல்கர் அவர் நடிக்கும் படங்களுக்கு 3-8 கோடி ரூபாய் சம்பளம் கேட்டு வருகிறாராம். அந்த வகையில் இந்த படத்தில் கேங்ஸ்டர் கோதா ராஜேந்திரனாக நடிப்பதற்கு 8 கோடி ருபாய் சம்பளம் வாங்கி இருக்கிறாராம் துல்கர்.
படத்தின் இயக்குனர் அபிலாஷ் ஜோஷி
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
மேலும், கிங் ஆஃப் கோதா திரைப்படத்திற்க்கு மொத்தமாக ருபாய் 50 கோடி ஒதுக்கியதாகவும், அதில் 8 கோடி ரூபாயை துல்கரின் சம்பளமாக கொடுத்திருக்கின்றனர். மேலும் இந்த படத்தில் துல்கரின் ஜோடியாக நடித்திருக்கும் ஐஸ்வர்யா லட்சுமி அவர்களுக்கு 75 லட்சம் முதல் 1 கோடி ரூபாய் அளவிற்கு சம்பளம் வழங்கப்பட்டுள்ளதாக தெரிகிறது.
டீசர், ட்ரைலருக்கே பெரும் வரவேற்பை பெற்ற கிங் ஆஃப் கோதா கண்டிப்பாக திரையரங்குகளில் வெளியான பிறகு அதே வரவேற்பை தக்கவைக்கும் என எதிர்பார்க்கப்படுகிறது.
Guest Author : Radhika Nedunchezhian