நேற்றைய தினம் 69 ஆவது திரைப்படங்களுக்கான தேசிய விருதுகள் அறிவிக்கப்பட்டன. பெரும்பாலும் இம்முறை மற்ற மொழி படங்களே ஆதிக்கம் செலுத்தின. தமிழ் திரையுலகிற்கு பல விருதுகள் கிடைக்கும் என அனைவரும் எதிர்பார்த்தனர். ஆனால் கிடைத்தது என்னவோ இரண்டே விருதுகள் தான். இதன் காரணமாக தமிழ் சினிமா ரசிகர்கள் சற்று ஏமாற்றத்தில் இருக்கின்றனர். இந்நிலையில் இதுவரை தமிழ் சினிமாவில் சிறந்த நடிகருக்கான தேசிய விருதை பெற்ற நடிகர்களின் பட்டியலை பற்றி இங்கு பார்க்கலாம்
புரட்சி தலைவர் எம்.ஜி.ஆர்
புரட்சி தலைவர் எம்.ஜி.ஆர் அவர்கள் தான் தமிழ் சினிமாவில் முதன் முதலில் சிறந்த நடிகருக்கான தேசிய விருதை பெற்றார். 1971 ஆம் ஆண்டு வெளியான ரிக்ஷாக்காரன் என்ற படத்திற்காக சிறந்த நடிகருக்கான தேசிய விருதை பெற்றார் எம்.ஜி.ஆர். கிருஷ்ணா நாயர் என்பவர் இப்படத்தை இயக்க மஞ்சுளா இப்படத்தில் நாயகியாக நடித்திருந்தார். தமிழ் சினிமாவில் சிறந்த நடிகருக்கான தேசிய விருதை முதன் முதலில் பெற்று தமிழ் திரையுலகிற்கு பெருமை சேர்த்தவர் தான் எம்.ஜி.ஆர் அவர்கள்
உலகநாயகன் கமல்ஹாசன்
நடிப்பிற்கு பெயர்போன உலகநாயகன் கமல்ஹாசன் இதுவரை மூன்று முறை சிறந்த நடிகருக்கான தேசிய விருதை வென்றுள்ளார். பாலு மஹேந்திரா இயக்கத்தில் வெளியான மூன்றாம் பிறை, மணிரத்னம் இயக்கத்தில் வெளியான நாயகன் மற்றும் ஷங்கரின் இயக்கத்தில் வெளியான இந்தியன் ஆகிய படங்களுக்கு சிறந்த நடிகருக்கான தேசிய விருதை வென்றார் உலகநாயகன். ஆனால் உலகநாயகனுக்கு மேலும் பல தேசிய விருதுகள் கிடைத்திருக்க வேண்டும் என்பதே அனைவரது கருத்தாக இருந்து வருகின்றது
]
HBD Vijayakanth: விஜய்க்காக ஓடோடி வந்து உதவிய விஜயகாந்த்..தளபதியின் திரைப்பயணத்தை திருப்பிப்போட்ட சம்பவம்..!
சீயான் விக்ரம்
பாலாவின் இயக்கத்தில் விக்ரம் மற்றும் சூர்யா நடிப்பில் வெளியான பிதாமகன் என்ற படத்திற்காக சிறந்த நடிகருக்கான தேசிய விருதை பெற்றார் சீயான் விக்ரம். வசனமே பேசாமல் உடல்மொழியின் மூலமும், கண் அசைவின் மூலமுமே நடித்து தேசிய விருதை தட்டிச்சென்றார் விக்ரம். இப்படத்தை பார்த்த பலருக்கும் இது விக்ரமா ? என சந்தேகம் வரும். அந்த அளவிற்கு முற்றிலும் மாறுபட்ட ஒரு மனிதராக இப்படத்தில் அவர் தோன்றியிருப்பார். இது போல பல படங்களில் வித்யாசாம் காட்டி வருவதால் தான் இந்திய சினிமாவே போற்றப்படும் நடிகராக இருக்கின்றார் விக்ரம்
தனுஷ்
வெற்றிமாறன் மற்றும் தனுஷ் என்றாலே அது வெற்றிக்கூட்டணி தான். அந்த வகையில் இந்த கூட்டணியில் வெளியான இரண்டு படங்களுக்கு தேசிய விருதுகளை வென்றுள்ளார் தனுஷ். 2011 ஆம் ஆண்டு வெளியான ஆடுகளம் என்ற படத்திற்கு முதன் முதலில் தேசிய விருதை வென்றார் தனுஷ். இதைத்தொடர்ந்து 2019 ஆம் ஆண்டு வெளியான அசுரன் படத்திற்காகவும் சிறந்த நடிகருக்கான தேசிய விருதை வென்றார் தனுஷ். இம்முறை கர்ணன் படத்திற்காக தேசிய விருதை வென்று ஹாட்ரிக் சாதனை படைப்பார் என எதிர்பார்க்கப்பட்டது.ஆனால் அது நடக்கவில்லை
சூர்யா
கடந்த 2020 ஆம் ஆண்டு சுதா கொங்காரா இயக்கத்தில் சூர்யாவின் நடிப்பில் வெளியான திரைப்படம் தான் சூரரைப்போற்று. இப்படத்தை சூர்யாவே தயாரித்து இருந்தார். இப்படத்தில் தன் சிறப்பான நடிப்பை சூர்யா வெளிப்படுத்தியதற்காக சிறந்த நடிகருக்கான தேசிய விருதை வென்றார் சூர்யா. இம்முறை ஜெய் பீம் படத்திற்காக அவருக்கு விருது கிடைக்கும் என எதிர்பார்க்கப்பட்டது. ஆனால் நடக்கவில்லை
பிரகாஷ் ராஜ்
ப்ரியதர்ஷனின் இயக்கத்தில் வெளியான காஞ்சிவரம் என்ற படத்திற்காக சிறந்த நடிகருக்கான தேசிய விருதை பெற்றார் பிரகாஷ் ராஜ். இப்படம் கடந்த 2008 ஆம் ஆண்டு வெளியாகி பலராலும் பாராட்டப்பட்டது என்பது குறிப்பிடத்தக்கது.