காஷ்மீர் செல்லும் ஜப்பான் படக்குழு
நடிகர் கார்த்தி தற்போது தனது 25வது படமான 'ஜப்பான்' படத்தில் நடித்து வருகிறார். இந்த படத்தை குக்கூ, ஜோக்கர் போன்ற படங்களை இயக்கிய ராஜூ முருகன் இயக்குகிறார். அனு இம்மானுவேல், சுனில், விஜய் மில்டன் உள்ளிட்ட பலர் முக்கிய கதாபாத்திரத்தில் நடிக்கின்றனர். ஜி. வி. பிரகாஷ் இசையமைக்கிறார். இப்படம் இந்த வருட தீபாவளிக்கு வெளியாகிறது.
ஏற்கனவே இந்த படத்தின் படப்பிடிப்பு முடிவடைந்து போஸ்ட் புரொடக்ஷன் பணிகள் நடைபெற்று வந்த நிலையில் இப்போது ஜப்பான் படத்தில் இன்னும் ஒரு பாடல் காட்சி மட்டும் மீதம் உள்ளது. இந்த பாடல் காட்சி காஷ்மீரில் சுமார் 8 நாட்கள் படமாக்க திட்டமிட்டுள்ளதாக கூறப்படுகிறது. இதற்காக விரைவில் ஜப்பான் படக்குழுவினர் காஷ்மீர் செல்கின்றனர்.