கமல் 234வது படத்தில் ஜெயம் ரவி, துல்கர் சல்மான்
நடிகர் கமல்ஹாசன் தற்போது ஷங்கர் இயக்கத்தில் உருவாகி வரும் இந்தியன் 2 படத்தில் நடித்து வருகிறார். இந்த படம் இறுதிக்கட்டத்தை எட்டி உள்ளது. இதையடுத்து வினோத் இயக்கத்தில் கமல் தனது 233வது படத்தில் நடிக்கவுள்ளார். இந்தபடமும் விரைவில் துவங்க உள்ளது. தற்போது இந்த படத்திற்கான பயிற்சியில் கமல் ஈடுபட்டுள்ளார்.
முன்னதாக கமலின் 233வது பட அறிவிப்பு வெளியாகும் முன்பே அவரின் 234 பட அறிவிப்பு வந்தது. இதை மணிரத்னம் இயக்க போகிறார். நாயகன் படத்திற்கு பின் இவர்கள் கூட்டணி மீண்டும் இணைந்துள்ளனர். ரெட் ஜெயண்ட் நிறுவனம் தயாரிக்கும் இப்படத்திற்கு கதாநாயகியாக நடிக்க பல முன்னணி நடிகைகளுடன் பேச்சுவார்த்தை நடைபெற்று வருகிறது.
இந்த நிலையில் இந்த படத்தில் கமல் அல்லாமல் இரண்டு பிரதான கதாபாத்திரம் உள்ளதாக கூறப்படுகிறது. இதில் நடிக்க நடிகர்கள் ஜெயம் ரவி, துல்கர் சல்மான் உடன் பேச்சுவார்த்தை நடைபெற்று வருவதாக தகவல்கள் வெளியாகியுள்ளது.