மார்க் ஆண்டனி படத்தின் முதல் நாள் வசூல் விவரம் இதோ
ஆதிக் ரவிச்சந்திரன் இயக்கத்தில் விஷால், ரிது வர்மா, எஸ்.ஜே.சூர்யா, சுனில், செல்வராகவன் உள்ளிட்ட பலர் நடித்துள்ள திரைப்படம் 'மார்க் ஆண்டனி'. ஜி.வி. பிரகாஷ் இசையமைத்த இப்படத்தை மினி ஸ்டுடியோஸ் நிறுவனம் தயாரித்தது. நேற்று இத்திரைப்படம் வெளியாகி விமர்சன ரீதியாகவும் ரசிகர்களிடம் நல்ல வரவேற்பைப் பெற்றது. இந்த படத்தின் மூலம் இரும்புத்திரை படத்திற்கு பிறகு விஷாலும், த்ரிஷா இல்லைன்னா நயன்தாரா படத்திற்கு பிறகு ஆதிக் ரவிச்சந்திரன் இருவரும் கம்பேக் கொடுத்ததாக ரசிகர்கள் தெரிவித்து வருகின்றனர்.
இந்த நிலையில் 500 ஸ்கிரீன்-களில் நேற்று தமிழ்நாட்டில் வெளியான இந்த படம் முதல் நாள் மட்டும் ரூ.7.9 கோடி வசூலித்தாக கூறப்படுகிறது. மேலும், இதுதான் விஷால் நடித்த படங்களிலே முதல் நாள் அதிக வசூலித்த திரைப்படம் என்பது குறிப்பிடத்தக்கது. 2023ம் ஆண்டில் வெளிவந்த படங்களில் முதல் நாள் வசூலில் 7வது இடத்தை இந்த படம் பிடித்துள்ளது என்கிறார்கள். குறிப்பாக முதல் நாள் உலகளவில் ரூ.12 கோடி வசூலை எட்டியதாக கூறப்படுகிறது.