பிரபாஸின் ‛சலார்' ரிலீஸ் மீண்டும் மாற்றமா…? – மறுக்கும் படக்குழு!
பிரஷாந்த் நீல் இயக்கத்தில் பிரபாஸ், ஸ்ருதிஹாசன், ஜெகபதிபாபு , பிரித்விராஜ் உள்ளிட்ட பலரது நடிப்பில் உருவாகி உள்ள படம் சலார். இந்த படத்தின் ரிலீஸ் தேதி ஏற்கனவே சிலமுறை தள்ளி வைக்கப்பட்ட நிலையில் கடைசியாக டிசம்பர் 22ம் தேதி திரைக்கு வர இருப்பதாக அறிவித்தனர். ஆனால் கடந்த சில தினங்களாக அடுத்த ஆண்டுக்கு சலார் படத்தை தள்ளி வைக்க திட்டமிட்டிருப்பதாக ஒரு செய்தி பரவி வந்தது.
இதற்கு காரணம் ஷாரூக்கானின் ‛டன்கி' படம் கிறிஸ்துமஸ் பண்டிகைக்கு வெளியாக இருப்பதாக உறுதிப்படுத்தி உள்ளனர். அதன் காரணமாகவே சலார் படத்தின் ரிலீஸ் தேதியை மாற்றுவதற்கு திட்டமிட்டிருப்பதாக செய்தி பரவியது. ஆனால் சலார் படத்தை தயாரித்து வரும் பட நிறுவனம் அதை மறுத்துள்ளது. திட்டமிட்டபடி டிசம்பர் 22ல் சலார் திரைக்கு வரும் என்றும் அதில் எந்த மாற்றமும் இல்லை என்று உறுதிப்படுத்தி உள்ளனர்.