தங்கலான் படத்தின் டப்பிங் பணிகளை முடித்த மாளவிகா மோகனன்
பா.ரஞ்சித் இயக்கத்தில் விக்ரம் நடிப்பில் உருவாகி வரும் திரைப்படம் 'தங்கலான்'. ஸ்டுடியோ கிரீன் நிறுவனம் தயாரிக்கும் இப்படத்திற்கு ஜி.வி.பிரகாஷ் இசையமைக்கிறார். இத்திரைப்படம் 2024 ஜனவரி 26ந் தேதி அன்று வெளியாகிறது. ஏற்கனவே இதன் டீசர் வெளியாகி ரசிகர்கள் மத்தியில் பெரும் எதிர்பார்ப்பை உருவாக்கியது. கோலார் தங்க வயல் பின்னணியில் வாழ்ந்த தமிழர்களின் வாழ்வியலை தழுவி இந்தபடம் எடுக்கப்பட்டுள்ளது.
இதில் பார்வதி , மாளவிகா மோகனன், பசுபதி ஆகியோர் முக்கிய கதாபாத்திரங்களில் நடித்துள்ளனர். இதன் படப்பிடிப்பு முழுவதும் முடிவடைந்த நிலையில் தற்போது இதன் டப்பிங் பணிகள் விறுவிறுப்பாக நடைபெற்று வருகிறது. இந்த நிலையில் இப்படத்தின் டப்பிங் பணிகளை மாளவிகா மோகனன் நிறைவு செய்ததாக உதவி இயக்குநர்கள் உடன் உள்ள போட்டோவை தனது சமூக வலைதள பக்கத்தில் பகிர்ந்துள்ளார். அதோடு டப்பிங் பணியின் போது எடுத்த வீடியோவையும் வெளியிட்டுள்ளார்.