3 படம் ரீ ரிலீஸ் குறித்து நெகிழ்ந்த தனுஷ்
கடந்த 2012ல் ஜஸ்வர்யா ரஜினிகாந்த் இயக்கத்தில் நடிகர் தனுஷ் நடித்து வெளிவந்த படம் '3'. அந்த சமயத்தில் இப்படம் சுமாரான வரவேற்பைப் பெற்றது . இந்த நிலையில் சமீபத்தில் சென்னையில் உள்ள கமலா தியேட்டரில் 3 படத்தை ரீ ரிலீஸ் செய்தனர். இதற்கு ரசிகர்கள் மத்தியில் பெரும் ஆதரவு கிடைத்தது.
இதனால் சென்னை, கோவை, மதுரை, திண்டுக்கல், தூத்துக்குடி ஆகிய பகுதிகளில் உள்ள சில தியேட்டரில் இப்போது 3 படத்தை ரீ ரிலீஸ் செய்துள்ளனர். தற்போது நடிகர் தனுஷ் எக்ஸ் சமூக வலைதள பக்கத்தில் இது குறித்து பகிர்ந்துள்ளார். அதன்படி, ” 3 படத்தின் ரீ ரிலீஸ் ஆதரவைப் பார்த்து எமோஷனலாக ஆக உள்ளது. ரசிகர்களுக்கு மில்லியன் நன்றிகள்” என பதிவிட்டுள்ளார்.