விக்ரம் 62வது படத்தின் படப்பிடிப்பு பிப்ரவரியில் துவக்கம்
தற்போது கவுதம் மேனன் இயக்கத்தில் விக்ரம் நடித்திருக்கும் துருவ நட்சத்திரம், பா.ரஞ்சித் இயக்கத்தில் நடித்துள்ள தங்கலான் ஆகிய இரண்டு படங்களும் ரிலீஸ்க்கு தயாராகி வருகின்றன. இந்த படங்களை தொடர்ந்து சித்தார்த் நடித்த சித்தா படத்தை இயக்கிய அருண்குமார் இயக்கத்தில் நடிக்கப் போகிறார் விக்ரம். அவரது 62வது படமாக உருவாகும் இப்படத்தின் ஆரம்பகட்ட பணிகள் தற்போது தொடங்கப்பட்டுள்ள நிலையில், அடுத்த ஆண்டு பிப்ரவரியில் படப்பிடிப்பு தொடங்குகிறது.
மேலும் சித்தா படத்தை போலவே இந்த படமும் ஒரு வித்தியாசமான கதைக்களத்தில் உருவாகும் நிலையில் இப்படத்திற்காக உடல் ரீதியாக தன்னை தயார்ப்படுத்திக் கொண்டு வருகிறார் விக்ரம். ஜி.வி.பிரகாஷ் குமார் இசையமைக்கும் இந்த படத்தின் அதிகாரப்பூர்வ அறிவிப்பு விரைவில் வெளியாக உள்ளது.