2023ம் ஆண்டில் முதலிடத்தை பிடித்த கயல்
தமிழ் சின்னத்திரையில் வரும் சீரியல் மற்றும் ரியாலிட்டி நிகழ்ச்சிகளை புனைவு மற்றும் அபுனைவு என வகைப்படுத்தி அதில் மிகவும் பிரபலமான நபர் அல்லது கதாபாத்திரம் எது என்பதை ஆர்மாக்ஸ் மீடியா நிறுவனம் வெளியிட்டு வருகிறது. அந்த வகையில் 2023 ஆம் ஆண்டில் அதிகம் பிரபலமான டாப் 10 சீரியல் கதாபாத்திரங்கள் எவை என்பதை ஆர்மாக்ஸ் நிறுவனம் தற்போது வெளியிட்டுள்ளது. அதில், முதலிடத்தில் கயல் சீரியல் கயல், இரண்டாம் இடத்தில் பாக்கியலெட்சுமி சீரியல் பாக்கியலெட்சுமி, மூன்றாம் இடத்தில் சுந்தரி சீரியல் சுந்தரி, நான்காம் இடத்தில் ‛எதிர்நீச்சல்' ஜனனி, ஐந்தாம் இடத்தில் இனியா சீரியல் இனியா, 6ம் இடத்தில் ‛எதிர்நீச்சல்' ஆதி குணசேகரன், 7ம் இடத்தில் கார்த்திகை தீபம் கார்த்திக், 8ம் இடத்தில் சிறகடிக்க ஆசை முத்துக்குமார், 9ம் இடத்தில் ‛பாண்டியன் ஸ்டோர்ஸ்' தனம், 10ம் இடத்தில் சிறகடிக்க ஆசை ‛மீனா' ஆகிய கதாபாத்திரங்கள் இடம் பிடித்துள்ளன. இதனையடுத்து இந்த கதாபாத்திரங்களில் நடித்து வரும் நடிகர்களுக்கு ரசிகர்கள் தங்களது வாழ்த்துகளை கூறி வருகின்றனர்.