பிப்., 2ல் சர்தார் 2 பட பூஜை நிகழ்ச்சி
கடந்த 2022ம் ஆண்டில் பி.எஸ்.மித்ரன் இயக்கத்தில் கார்த்தி இரண்டு வேடத்தில் நடித்து வெளிவந்த திரைப்படம் 'சர்தார்'. இதன் வெற்றியைத் தொடர்ந்து சர்தார் 2 உருவாகும் என தெரிவித்தனர். இந்த இரண்டாம் பாகத்தையும் பிரின்ஸ் பிக்சர்ஸ் தயாரிப்பில் பி.எஸ்.மித்ரன் இயக்குகிறார் .இதில் கார்த்தி, ராஷி கண்ணா நடிக்கின்றனர். இதற்கு யுவன் சங்கர் ராஜா இசையமைக்கின்றார்.
இந்த நிலையில் இதன் படத்தின் பூஜை நிகழ்ச்சி வருகின்ற பிப்ரவரி 2ம் தேதி சென்னையில் நடைபெற உள்ளதாக தகவல் வெளியாகியுள்ளது. மேலும், இது பான் இந்திய படமாக உருவாக்க திட்டமிட்டுள்ளதால் இதில் மற்ற மொழி நடிகர், நடிகைகளை நடிக்க வைக்க முடிவு செய்துள்ளனர். இதன் படப்பிடிப்பை 2024 ஏப்ரல் மாதத்தில் தொடங்க திட்டமிட்டுள்ளதாக கூறப்படுகிறது.