மார்ச் மாத இறுதியில் முடியும் ‛தி கோட்' படம் : விரைவில் முதல்பாடல்
வெங்கட்பிரபு இயக்கத்தில் நடிகர் விஜய் 'தி கிரேட்டஸ்ட் ஆப் ஆல் டைம்' சுருக்கமாக ‛தி கோட்' என்கிற படத்தில் நடித்து வருகிறார். ஏ.ஜி.எஸ் நிறுவனம் தயாரிக்கும் இப்படத்திற்கு யுவன் சங்கர் ராஜா இசையமைக்கிறார். மோகன், ஜெயராம், சினேகா, லைலா, மீனாட்சி சவுத்ரி, பிரபுதேவா, பிரசாந்த், அஜ்மல் உள்ளிட்டோர் இணைந்து முக்கிய கதாபாத்திரங்களில் நடித்து வருகின்றனர். ஏற்கனவே இதன் படப்பிடிப்பு சென்னை, புதுச்சேரி, ஐதராபாத், தென் ஆப்பிரிக்கா ஆகிய பகுதிகளில் பலகட்ட படப்பிடிப்பு நடைபெற்று வந்தது. தற்போது சென்னை அருகே நடக்கிறது. இந்த நிலையில் இந்த படத்தின் மொத்த படப்பிடிப்பும் அடுத்த மாதம் மார்ச் இறுதியில் நிறைவு பெறுவதாக தகவல் வெளியாகியுள்ளது.
வெகு சீக்கிரம் சிங்கிள் பாடல்
இந்த நிலையில் சோசியல் மீடியாவில் ஒரு ரசிகர், கோட் படத்தின் சிங்கிள் பாடலை சீக்கிரம் வெளியிடுங்கள் என்று வெங்கட்பிரபுவை நோக்கி கோரிக்கை வைத்த நிலையில், வெகு விரைவிலேயே பாடல் ரிலீஸ் ஆகும் என்று பதில் கொடுத்துள்ளார்.