‛ஜெய ஜெய ஜெய ஜெய ஹே' பட இயக்குனர் டைரக்சனில் நடிக்கும் பஹத் பாசில்
கடந்த 2022-ல் மலையாளத்தில் வெளியாகி சூப்பர் ஹிட் ஆன படம் 'ஜெய ஜெய ஜெய ஜெய ஹே' கதாநாயகியை மையப்படுத்தி உருவாகி இருந்த இந்த படத்தை விபின் தாஸ் என்பவர் இயக்கி இருந்தார். கேரளாவை தாண்டி தமிழகத்திலும் இந்த படத்திற்கு மிகப்பெரிய வரவேற்பு கிடைத்தது. இந்த படத்தின் வெற்றியை தொடர்ந்து அவர் தற்போது பிரித்விராஜ் வில்லனாக நடித்து வரும் குருவாயூர் அம்பல நடையில் என்கிற படத்தை இயக்கி வருகிறார்.
ஜெய ஜெய ஜெய ஜெய ஹே படத்தில் கதாநாயகனாக நடித்தவரும், மின்னல் முரளி பட இயக்குனருமான பஷில் ஜோசப் தான் இந்த படத்திலும் கதாநாயகனாக நடித்து வருகிறார். விரைவில் இந்த படம் வெளியாக இருக்கிறது. இந்த படத்தை தொடர்ந்து அடுத்ததாக பஹத் பாசில் நடிக்கும் படத்தை இயக்க உள்ளார் இயக்குனர் விபின் தாஸ். இந்த படம் வரும் ஜூலையில் துவங்க இருக்கிறது. பிரபலமான பாதுஷா சினிமாஸ் நிறுவனம் இந்த படத்தை தயாரிக்கிறது.