‛டபுள் டக்கர்' படத்தின் ரிலீஸ் தேதியை அறிவித்த படக்குழு
தமிழில் மீரா மகதி இயக்கத்தில் உருவாகியுள்ள படம் 'டபுள் டக்கர்'. இப்படத்தில் தீரஜ், ஸ்மிருதி வெங்கட் முதன்மை கதாபாத்திரங்களில் நடித்துள்ளனர். எம்.எஸ்.பாஸ்கர், கோவை சரளா, யாஷிகா ஆனந்த், காளி வெங்கட், முனிஷ்காந்த் ஆகியோர் முக்கிய கதாபாத்திரங்களில் நடித்துள்ளனர்.
இந்த படத்தின் சிறப்பு என்னவென்றால் இந்தியாவில் முதல் முறையாக அனிமேஷன் கதாபாத்திரங்கள் இடம்பெற்ற படமாக உருவாகியுள்ளது. ஏற்கனவே இதன் டீசர் வெளியாகி சற்று கவனத்தை ஈர்த்தது. முழுக்க முழுக்க குழந்தைகளை குறிவைத்து உருவாக்கியுள்ள இப்படத்தை வருகின்ற ஏப்ரல் 5ம் தேதி வெளியாகும் என படக்குழு அறிவித்துள்ளனர்.