பெரம்பலூர், ஆலம்பாடி ரோடு அன்பு நகரைச் சேர்ந்த முத்துசாமி என்பவரது மனைவி மகேஸ்வரி. இவர், தற்போது பெரம்பலூர் நகர்ப்பகுதியில் புதிதாக வீடு கட்டியிருக்கிறார்.
அந்த வீட்டிற்கு நகராட்சியில் ரசீது போடுவதற்காக மகேஸ்வரி தனது உறவினரான பெரம்பலூர் சங்குப்பேட்டையைச் சேர்ந்த மெய்யன் என்பவர் மூலம் நகராட்சி அலுவலகத்தில் விண்ணப்பித்திருக்கிறார்.
இந்நிலையில், புதுக்கோட்டை மாவட்டம், சின்ன அய்யன் வயல் பகுதியைச் சேர்ந்த 53 வயதாகும் கண்ணன் என்பவர் பெரம்பலூர் நகராட்சி வருவாய் ஆய்வாளராகப் பணியாற்றி வருகிறார்.
இவர், தற்போது பெரம்பலூர் புதிய பஸ் நிலையத்தின் பின்புறத்தில் வசித்து வருகிறார். இந்நிலையில், பெரம்பலூர் நகராட்சி வருவாய் ஆய்வாளர் கண்ணன் மெய்யனிடம் வீட்டிற்கு நகராட்சியில் ரசீது போடுவதற்காக ரூ.25,000 லஞ்சமாகக் கேட்டதாகக் கூறப்படுகிறது.
ஆனால், அவருக்கு லஞ்சம் கொடுக்க விரும்பாத மெய்யன், இதுகுறித்து பெரம்பலூர் மாவட்ட லஞ்ச ஒழிப்புத்துறை காவல் நிலையத்தில் புகார் அளித்தார்.
இதையடுத்து, லஞ்ச ஒழிப்புத்துறை போலீஸார் கொடுத்த அறிவுரைப்படி ரசாயன பவுடர் தடவிய ரூ.25,000 கண்ணனிடம் கொடுக்கப்பட்டது.
அதன்படி, மெய்யன் தனது வீட்டில் பணத்துடன் இருந்தார். லஞ்ச ஒழிப்புப் பிரிவு போலீஸாரும் அவரது வீட்டின் அருகே ரகசியமாகக் கண்காணிப்பு பணியில் ஈடுபட்டிருக்கிறார்கள்.
அப்போது, மெய்யன் வீட்டிற்கு வந்த நகராட்சி வருவாய் ஆய்வாளர் கண்ணன், மெய்யனிடம் இருந்து ரூ. 25,000 லஞ்சப் பணத்தை வாங்கியதாகக் கூறப்படுகிறது.
அப்போது, அங்கு மறைந்திருந்த லஞ்ச ஒழிப்பு பிரிவு போலீஸார் விரைந்து சென்று கண்ணனைக் கையும், களவுமாகப் பிடித்து கைது செய்தனர்.
மேலும், அவரது அலுவலகத்திலும் போலீஸார் சோதனை நடத்தினர்.
புது வீட்டுக்கு ரசீது போடுவதற்காக ரூ. 25,000 லஞ்சம் கேட்டு நகராட்சி வருவாய் ஆய்வாளர் கைதாகியுள்ள சம்பவம், பெரம்பலூரில் பரபரப்பை ஏற்படுத்தியிருக்கிறது.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://tinyurl.com/2b963ppb
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://tinyurl.com/2b963ppb