ChatGPT Latest News: ஐஐடி மற்றும் இன்னும் சில இந்திய பொறியியல் கல்லூரிகளுக்கான நுழைவுத் தேர்வான JEE தேர்வு, உலகின் மிக கடினமான தேர்வுகளில் ஒன்றாக கருதப்படுகின்றது. ChatGPT JEE தேர்வு எழுதினால் என்ன நடக்கும்? இதை பலர் கற்பனை செய்து பார்த்திருப்பார்கள். ஆனால், இப்போது இதை ஒரு மாணவர் சோதித்தே பார்த்துவிட்டார். அவரது சோதனையின் முடிவு பலரை ஆச்சரியத்தில் ஆழ்த்தியுள்ளது.
CHatGPT பற்றிய இந்த லேட்டஸ்ட் அப்டேட் கல்வி உலகில் அதிர்வுகளை ஏற்படுத்தி வருகிறது. OpenAI இன் சமீபத்திய AI மாதிரியான “ChatGPT o3”, மிகவும் கடினமான JEE Advanced 2025 தேர்வில் கிட்டத்தட்ட நியர் பர்ஃபெக்ட் மதிப்பெண்ணைப் பெற்றுள்ளது. JEE Advanced என்பது இந்தியாவின் மிகவும் கடினமான நுழைவுத் தேர்வாகும். இது மதிப்புமிக்க ஐஐடி கல்லூரிகளுக்கான நுழைவுத் தேர்வாக உள்ளது.
IIT கரக்பூர் பொறியாளரான அனுஷ்கா ஆஷ்வி, இந்த புதிய சோதனையை முன்னெடுத்துச் சென்றார். ஆரம்பத்தில் ஒரு சாதாரண ஆய்வாக அவர் அதை மேற்கொண்டார். இருப்பினும், முடிவுகள் சாதாரணமானவையாக இருக்கவில்லை. ChatGPT o3 360 மதிப்பெண்களில் 327 மதிப்பெண்களைப் பெற்றது. இது உண்மையான தேர்வில் அகில இந்திய தரவரிசையில் (AIR) 4 ஆம் இடத்தை பெற்றிருக்கக்கூடிய ஒரு சாதனையாகும்.
AI க்கான யதார்த்தமான சோதனை நிலைமைகளை ஆஷ்வி உன்னிப்பாக மீண்டும் உருவாக்கினார். “Heltar” என்ற தனது வலைப்பதிவில், வலைத் தேடல்கள் அல்லது வெளிப்புற பைதான் கருவிகளை நாடாமல், JEE தேர்வு எழுதும் மாணவனைப் போல செயல்படவும், அனைத்து கேள்விகளுக்கான பதில்களியயும் தானாக கண்டறியவும் AI மாதிரி ப்ராம்ப்ட் செய்யப்பட்ட விதத்தை அவர் விளக்கியுள்ளார். மெமரி பயாசை நீக்க, ஒவ்வொரு கேள்வியும் ஒரு புதிய சேட் செஷனில் வழங்கப்பட்டது என்றும் செயல்பாட்டின் போது எந்த திருத்தங்களும் அல்லது குறிப்புகளும் வழங்கப்படவில்லை என்றும் அவர் தெரிவித்துள்ளார்.
இந்த கடுமையான கட்டுப்பாடுகள் இருந்தபோதிலும், ChatGPT o3 குறிப்பிடத்தக்க திறமையை வெளிப்படுத்தியது. உருவகப்படுத்தப்பட்ட தேர்வின் இரண்டாம் கட்டத்தின் போது, AI வேதியியல் மற்றும் கணிதம் இரண்டிலும் 60 மதிப்பெண்களைப் பெற்றது, இயற்பியல் மற்றும் முந்தைய பிரிவுகளில் சில மதிப்பெண்களை மட்டுமே அதனால் பெற முடியவில்லை.
இவ்வளவு கடினமான தேர்வில் AI சாட்போட்டின் இந்த முன்னோடியில்லாத செயல்திறன் செயற்கை நுண்ணறிவின் வேகமாக வளர்ந்து வரும் திறன்களை அடிக்கோடிட்டுக் காட்டுகிறது. மேலும் கல்வி, போட்டி மதிப்பீடுகள் மற்றும் நுண்ணறிவு ஆகியவற்றின் வரையறையில் அதன் சாத்தியமான தாக்கம் பற்றிய முக்கியமான விவாதங்களைத் தூண்டுகிறது.