India vs Australia 3rd ODI Highlights: இந்தியா – ஆஸ்திரேலியா அணிகளுக்கு இடையிலான மூன்றாவது மற்றும் கடைசி ஓடிஐ போட்டி இன்று சிட்னி கிரிக்கெட் மைதானத்தில் நடைபெற்றது. இந்திய அணியில் நிதிஷ் குமார் ரெட்டி, அர்ஷ்தீப் சிங் ஆகியோருக்கு பதில் குல்தீப் யாதவ், பிரசித் கிருஷ்ணா ஆகியோர் விளையாடினர். ஆஸ்திரேலிய அணியில் சேவியர் பார்ட்லட்டுக்கு பதில் நேதன் எல்லிஸ் விளையாடினார்.
Add Zee News as a Preferred Source
India vs Australia: 237 ரன்களே இலக்கு
டாஸ் வென்ற ஆஸ்திரேலிய அணி முதலில் பேட்டிங் செய்து 236 ரன்களுக்கு ஆல்-அவுட்டானது. ஹர்ஷித் ராணா இந்திய பந்துவீச்சில் அதிகபட்சமாக 4 விக்கெட்டுகளை வீழ்த்தினார். ஆஸ்திரேலிய தரப்பில் அதிகபட்சமா ரென்ஷா 56 ரன்களை அடித்தார். தொடர்ந்து 237 ரன்கள் என்ற இலக்கை இந்திய அணி துரத்தியது. கடந்த போட்டியில் 73 ரன்களை அடித்து மிரட்டிய ரோஹித் சர்மா இன்றைய போட்டியிலும் அதே ஃபார்மை தொடர்ந்தார். தொடக்கத்தில் சுப்மான் கில் அவருக்கு இணையாக சில பவுண்டரிகளையும் அடித்தார்.
India vs Australia: கில் ஆறுதல் ஆட்டம்
முதல் விக்கெட்டுக்கு ரோஹித் – கில் ஜோடி 69 ரன்களை சேர்த்தது. கில் 26 பந்துகளில் 2 பவுண்டரி, 1 சிக்ஸர் என 24 ரன்கள் அடித்து ஆட்டமிழந்தார். அடுத்து விராட் கோலி களமிறங்கினார். கடந்த இரண்டு போட்டிகளிலும் டக்அவுட்டாகியிருந்த விராட் கோலி, பேட்டிங்கில் சந்தித்த முதல் பந்தில் இருந்தே மிகுந்த தன்னம்பிக்கையுடன் காணப்பட்டார். ரோஹித் சர்மா ஏற்கெனவே செட்டிலானாலும் விராட் கோலி வந்ததும் இன்னும் நிதானமான ஆட்டத்திற்குச் சென்றுவிட்டார்.
India vs Australia: ரோஹித் சதம், விராட் கோலி அரைசதம்
அரைசதம் வரை பொறுமை காத்த ரோஹித் சர்மா, அதற்கு பிறகு சீற்றம் கண்டார். அதேபோல் மறுமுனையில் விராட் கோலியும் பவுண்டரிகளை அடித்தார். இந்த ஜோடி ஒரு ஓவருக்கு குறைந்தபட்சம் ஒரு பவுண்டரியை அடித்து ரன்ரேட்டை 6 ரன்களில் பராமரித்தது. ரோஹித் சர்மா 63 பந்துகளில் அரைசதம் அடித்தார். அடுத்து விராட் கோலி 56 பந்துகளில் அரைசதம் அடித்தார்.
இந்த ஜோடி இன்னும் வேகமாக ரன் அடித்தது. தொடர்ந்து 105வது பந்தில் ரோஹித் சர்மா சதம் அடித்தார். அரைசதம் அடித்து அடுத்த 42 பந்துகளில் அவர் அடுத்த 50 ரன்களை சேர்த்தார். நாதன் எல்லிஸ் வீசிய 39வது ஓவரின் மூன்றாவது பந்தில் விராட் கோலி பவுண்டரி அடித்து ஆட்டத்தை முடித்துவைத்தார். இந்தியா 69 பந்துகளை மீதம் வைத்து 9 விக்கெட் வித்தியாசத்தில் வெற்றி பெற்றுள்ளது. ஹசில்வுட் மட்டுமே 1 விக்கெட்டை எடுத்தார்.
India vs Australia: கலக்கிய ரோஹித் – விராட்
இந்திய அணியில் ரோஹித் சர்மா 125 பந்துகளில் 13 பவுண்டரி, 3 சிக்ஸர் உள்பட 121 ரன்களையும், விராட் கோலி 81 பந்துகளில் 7 பவுண்டரிகளுடன் 74 ரன்களையும் சேர்த்தனர். இந்த ஜோடி 169 பந்துகளில் 168 ரன்கள் பார்ட்னர்ஷிப் அமைத்தது. ரோஹித் சர்மாவும், விராட் கோலியும் ஆஸ்திரேலிய மண்ணில் விளையாடும் கடைசி போட்டியாக இது இருக்க அதிகபட்ச வாய்ப்புள்ளது, இதற்கு பின் 2027இல்தான் இந்தியா ஆஸ்திரேலியாவுக்கு சுற்றுப்பயணம் மேற்கொள்கிறது.
-wicket victory in Sydney!
Up https://t.co/omEdJjQOBf#AUSvIND | #3rdODI pic.twitter.com/uK7BJJeAUT
— BCCI (@BCCI) October 25, 2025
அப்படியிருக்க, ரோஹித்தும், விராட்டும் ஆஸ்திரேலிய மண்ணில் தங்களின் கடைசி போட்டியை சிறப்பாக விளையாடி ஆட்டத்தை முடித்துக்கொடுத்து ரசிகர்களை குதூகலத்தில் ஆழ்த்தி உள்ளது. ரோஹித் சர்மா, விராட் கோலி ஆகியோர் இணைந்து ஓடிஐ அரங்கில் மட்டும் இதுவரை 5483 ரன்களை பார்ட்னர்ஷிப் அமைத்துள்ளதாகவும் புள்ளிவிவரங்கள் தெரிவிக்கின்றனர். ரோஹித் சர்மா ஆட்ட நாயகன் மற்றும் தொடர் நாயகன் என இரண்டு விருதுகளையும் வென்றார்.
மேலும் படிக்க | அதிர்ச்சி சம்பவம்! இந்தியாவில் ஆஸ்திரேலிய வீராங்கனைகளுக்கு பாலியல் தொல்லை?
மேலும் படிக்க | IND vs SA: சுப்மன் கில் இல்லை! இந்திய அணியின் கேப்டனாக ஸ்ரேயாஸ் ஐயர்?
மேலும் படிக்க | ரோகித் சர்மாவுக்கு மும்பை அணி வைக்கும் அடுத்த செக்! ஐபிஎல் ஓய்வு விரைவில்
About the Author
Sudharsan G
I’m Sudharsan G, Sub Editor at Zee Tamil News, with over five years of experience in Tamil content writing. I cover Tamil Nadu, national, and international news, along with sports stories that connect with readers. A follower of cricket, cinema, and politics, I bring depth and perspective to every piece. I also have on-screen camera experience, which helps me present news stories in a more engaging and impactful way. Outside work, I enjoy modern Tamil literature and discovering new voices in contemporary writing.
…Read More