Apple
Event நிகழ்வை உலகளவில் உள்ள
ஆப்பிள்
விரும்பிகள் எதிர்பார்த்து காத்திருந்தனர். இந்நிலையில், நேற்று (மார்ச் 8) இந்த நிகழ்வு இணைய நேரலை வாயிலாக நடத்தப்பட்டது. இந்த நிகழ்வில், பல ஆப்பிள் தயாரிப்புகள் வெளியிடப்பட்டது.
அந்தவகையில், ஸ்மார்ட்போன் கேட்டகிரியைப் பொருத்தவரை,
iPhone SE 2022
மாடலும், iPhone 13 மற்றும் ஐபோன் 13 ப்ரோ கிரீன் எடிஷனும் அறிமுகம் செய்யப்பட்டது. இதில் ஐபோன் எஸ்இ 2022 ஸ்மார்ட்போன், குறைந்த விலையில் அறிமுகமானது.
பயனர்கள் மத்தியில் பெரும் எதிர்பார்ப்பை கிளப்பியிருந்த ஐபோன் எஸ்இ 2022 ஸ்மார்ட்போன், முதல் ஐபோனை வாங்க நினைக்கும் வாடிக்கையாளர்களுக்கு உகந்ததா என பார்க்கலாம்.
iPhone-ஐ மிஞ்சும் கேமரா… Oppo Find X5 Pro 5G போனில் எல்லாமே ஸ்பெஷல் தான்!
ஐபோன் எஸ்இ 2022 அம்சங்கள் (iPhone SE 2022 Specifications)
இந்த ஸ்மார்ட்போனில் 4.7″ அங்குல ரெட்டினா எச்டி டிஸ்ப்ளே உள்ளது. இது ஐபிஎஸ் தொழில்நுட்பத்திலான எல்சிடி பேனலைக் கொண்டிருக்கிறது. மாறி வரும் கால சூழலில், குறைந்த விலையில் பயனர்களுக்கு அமோலெட் டிஸ்ப்ளே கொண்ட ஸ்மார்ட்போன்களை ஸ்மார்ட்போன் தயாரிப்பு நிறுவனங்கள் வழங்கி வரும் வேளையில், ஆப்பிள் நிறுவனத்தின் இந்த முடிவு வருத்தத்துக்குரியது. இந்த டிஸ்ப்ளேயில் 625 நிட்ஸ் பிரைட்னஸ் ஆதரவு உள்ளது.
புதிய ஆப்பிள் SE போன் ஏ15 பயோனிக் சிப் கொண்டு இயக்கப்படுகிறது. இதில்
iOS
15 இயங்குதளம் கொடுக்கப்பட்டுள்ளது. இதில் பயன்படுத்தப்பட்டுள்ள சிப்செட் ஆனது, பழைய ஐபோன் 13-இல் பயன்படுத்தப்பட்ட சிறந்த செயல்திறன் கொண்ட புராசஸர் என்பது குறிப்பிடத்தக்கது.
ஐபோன் எஸ்இ 2022 கேமரா (iPhone SE 2022 camera)
இதில் 12 மெகாபிக்சல் f/1.8 அபெர்ச்சர் கொண்ட வைட் ஆங்கிள் ஒற்றை கேமரா பின்பக்கத்தில் கொடுக்கப்பட்டுள்ளது. இந்த கேமரா OIS திறனுடன் வருகிறது. 6 அடுக்கு லென்ஸ் கொண்டு இது கட்டமைக்கப்பட்டுள்ளது. தெளிவான படங்களை வெளிப்படுத்த இந்த கேமரா திறன் வாய்ந்ததாக இருக்கும். 4K வீடியோ ரெக்கார்டிங் ஆதரவு இந்த கேமராவின் கூடுதல் சிறப்பாகப் பார்க்கப்படுகிறது.
முன்பக்கம், செல்பி மற்றும் வீடியோ அழைப்புகளுக்காக 7 மெகாபிக்சல் f/2.2 கேமரா வழங்கப்பட்டுள்ளது. முழு எச்டி தரம், அதாவது 1080p பிக்சல் வரை இதில் வீடியோ எடுக்கமுடியும். கேமராவை பொருத்தவரை ஆப்பிள் நிறுவனம் எந்த குறையும் வைத்ததாகத் தெரியவில்லை. பழையது என்றாலும், ஆப்பிள் கேமரா என்பது அசாத்திய குவாலிட்டி உடனே கொடுக்கப்படுகிறது.
ஐபோன் எஸ்இ 2022 பேட்டரி (iPhone SE 2022 battery)
புதிதாக 5ஜி நெட்வொர்க் இந்த ஸ்மார்ட்போனில் இணைக்கப்பட்டுள்ளது. மொத்தம் 15 மணிநேரம் வீடியோ ப்ளேபேக் செய்யக்கூடிய திறனில் பேட்டரி வழங்கப்பட்டுள்ளது. பேட்டரியை ஊக்குவிக்க 20W பாஸ்ட் சார்ஜிங் ஆதரவும் கொடுக்கப்பட்டுள்ளது.
அக்செலெரோமீட்டர், சுற்றுப்புற ஒளி, திசைகாட்டி, ப்ராக்ஸிமிட்டி, கைரோஸ்கோப் ஆகிய சென்சார்கள் உள்ளது. ஸ்டீரியோ ஸ்பீக்கர்ஸ், வைஃபை (5GHz), பழைய வெர்ஷன் ப்ளூடூத் 5, ஜிபிஎஸ், ஓடிஜி, எப்.எம், NFC ஆகிய இணைப்பு ஆதரவுகளையும் இந்த போன் கொண்டுள்ளது.
ஐபோன் எஸ்இ 2022 விலை (iPhone SE 2022 price in india)
ரெட், ஸ்டார்லைட், மிட்நைட் ஆகிய மூன்று வண்ணத் தேர்வுகளின் ஐபோன் எஸ்இ 2022 அறிமுகமாகி உள்ளது. 64ஜிபி, 128ஜிபி, 256ஜிபி ஆகிய மூன்று ஸ்டோரேஜ் மெமரி தேர்வுகளில் பயனர்களுக்குக் கிடைக்கிறது. இந்தியாவில் ஆப்பிள் ஐபோன் எஸ்இ ஸ்மார்ட்போனின் தொடக்க விலை ரூ.43,900 ஆக நிர்ணயம் செய்யப்பட்டுள்ளது.
அவ்ளோ அழகுங்க இந்த SAMSUNG 5G போன் – ஸ்பெக்கும் டாப் டக்கர்!
டாலர் மதிப்பில் இருந்து, இந்திய ரூபாய் எக்சேஞ்ச் மதிப்பை பார்த்தால், அமெரிக்காவில் ஐபோனின் விலை ரூ.29,990 ஆக இருக்கும். இந்தியாவில் ஏன் இவ்வளவு விலை உயர்வு என்பதற்கு நிறுவனம் தான் பதில் சொல்ல வேண்டும்.
ஐபோன் எஸ்இ 2022 வாங்கலாமா
கடந்தாண்டு வெளியான ஐபோன் 13 மாடலின் சிப்செட், 5ஜி நெட்வொர்க் தவிர்த்து, புதிய ஐபோன் எஸ்இ 2022 ஸ்மார்ட்போனில் ஒன்றும் பெருசாக இல்லை. லேட்டஸ்ட் ஐபோன் வாங்க வேண்டும் என்றால், இதை கருத்தில் கொள்ளலாம். மற்றவர்கள் கொஞ்ச நாள் காத்திருங்கள்.
புதிய ஐபோன் 14 இந்தாண்டு இறுதியில் வெளியாக வாய்ப்பிருக்கிறது. அப்போது, ஐபோன் 13 மினி ஸ்மார்ட்போனின் விலை குறைக்கப்படும். அந்த சமயத்தில் ஐபோன் விரும்பிகள், ஐபோன் 13 மினியை வாங்கலாம். இதை விட பல மடங்கு அந்த ஸ்மார்ட்போன் திறன் வாய்ந்ததாக இருக்கும்.
Read more:
Asus விவோபுக் 2 இன் 1 லேப்டாப் அறிமுகம்Flipkart Offer – மலிவு விலையில் Apple iPhone வாங்க நல்ல வாய்ப்பு! பெரும் எதிர்பார்ப்பை கிளப்பியிருக்கும் ‘Nothing’ டீஸர்!