தமிழ் சினிமாவில் சூப்பர்ஸ்டாராக வலம் வருபவர் நடிகர் ரஜினி. கடந்த நாற்பது ஆண்டுகளாக வெற்றிக்கு மேல் வெற்றிகளை பதிவு செய்து வந்த ரஜினி சமீபகாலமாக தொடர் தோல்விகளை சந்தித்து வருகின்றார். எந்திரன் படத்திற்கு பிறகு அவர் நடிப்பில் வெளியான படங்கள் எதுவும் சொல்லிக்கொள்ளும் அளவுக்கு வெற்றிபெறவில்லை.
குறிப்பாக கடைசியாக வெளியான அண்ணாத்த திரைப்படம் கடுமையான விமர்சனங்களை பெற்று படுதோல்வி அடைந்தது. இந்நிலையில் தற்போது கட்டாய வெற்றியை பெரும் சூழலுக்கு ரஜினி தள்ளப்பட்டுள்ளார்.
Rajini: ஜெயிலர் படத்தில் இவ்வளோ விஷயம் இருக்கா ? ரஜினி ரசிகர்களுக்கு செம ட்ரீட் தான்..!
எனவே நெல்சன் இயக்கத்தில் ரஜினி நடித்து வரும் ஜெயிலர் திரைப்படத்தை மிகப்பெரிய வெற்றிப்படமாக கொடுத்து தான் யார் என நிரூபிக்கும் முனைப்பில் இருக்கின்றார் ரஜினி. அனிருத் இசையில் சன் பிக்சர்ஸ் தயாரிக்கும் இப்படத்தில் ரம்யா கிருஷ்ணன், யோகி பாபு, வசந்த் ரவி ஆகியோர் நடித்து வருகின்றனர்.
லவ் டுடே வெற்றி – ஊடகங்கள் மற்றும் பத்திரிக்கையாளர்களுக்கு நன்றி தெரிவித்த படக்குழுவினர்
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
சமீபத்தில் இப்படத்தின் கிலிம்ஸ் வீடியோ வெளியாகி ரசிகர்களின் அமோக வரவேற்பை பெற்றது. இந்நிலையில் கடந்த வாரம் ரஜினியின் பாபா திரைப்படம் ரீரிலீஸ் செய்யப்பட்டது. கடந்த 2002 ஆண்டு ரஜினியின் கதை மற்றும் திரைக்கதையில் உருவான இப்படத்தை சுரேஷ் கிருஷ்ணா இயக்கியிருந்தார்.மேலும் ரஜினியே இப்படத்தை தயாரித்து வெளியிட்டார்.
ஆனால் இப்படம் அப்போது எதிர்பார்த்த வெற்றியை பெறவில்லை. இருந்தாலும் இப்படம் ரஜினிக்கு மிகவும் நெருக்கமான படமாகவே இருக்கின்றது. இந்நிலையில் தற்போது எடிட் செய்து புதுப்பிக்கப்பட்டு இப்படம் மீண்டும் வெளியானது.
20 வருடங்கள் கழித்து வெளியான பாபா திரைப்படத்திற்கு ரசிகர்கள் அமோகமான வரவேற்பை கொடுத்துள்ளனர். படத்தை மீண்டும் திரையில் காண ரசிகர்கள் ஆவலாக இருந்து வருகின்றனர். இதன் காரணமாக படத்தின் வசூலும் அமோகமாக இருந்துள்ளது. எனவே கடந்த முறை தோல்வியை சந்தித்த பாபா திரைப்படம் ரீரிலீசில் வெற்றிபெற்றுள்ளதாக தகவல் வருகின்றது குறிப்பிடத்தக்கது.