லோகேஷ் கனகராஜ், விஜய் இணையும் ‘தளபதி 67’ படத்தின் அறிவிப்பிற்காக வெறித்தனமாக காத்திருக்கின்றனர் ரசிகர்கள். இந்தப்படம் தொடர்பாக இணையத்தில் வெளியாகும் செய்திகள் அனைத்தும் இணையத்தில் தீயாய் பரவி வருகிறது. தமிழ், தெலுங்கு மொழியில் வம்சி பைடிபல்லி இயக்கத்தில் ‘வாரிசு’ படத்தில் நடித்து முடித்துள்ளார் விஜய்.
தமிழ் சினிமாவில் தொடர் வெற்றி படங்களை கொடுத்த லோகேஷ், கமலின் ‘விக்ரம்’ படத்தினை தொடர்ந்து விஜய் நடிப்பில் புதிய படம் ஒன்றை இயக்கவுள்ளார். கமல் படங்களை பார்த்தே சினிமாவிற்குள் நுழைந்ததாக கூறிய லோகேஷ், அவரது நடிப்பிலே ‘விக்ரம்’ படத்தினை இயக்கி இன்டஸ்ட்ரி ஹிட் கொடுத்தது அனைவரையும் வியக்க வைத்தது. கடந்த மே மாதம் வெளியான இந்தப்படம் திரையுலக பிரபலங்களின் பாராட்டு மற்றும் வசூல் மழையில் நனைந்தது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
‘மாஸ்டர்’ படத்தினை தொடர்ந்து இரண்டாவது முறையாக விஜய்யை இயக்கவுள்ளார் லோகேஷ் கனகராஜ். மாஸ்டர் படத்தின் வெற்றிக்கு பிறகு ‘தளபதி 67’ ல் இந்த கூட்டணி மீண்டும் இணைந்துள்ளது. ‘மாஸ்டர்’ படத்தில் விமர்சனரீதியாக எழுந்த சர்ச்சைகளை சரிகட்ட போவதாகவும், இந்தப்படம் ழுழுக்க தன்னுடைய பாணியில் இருக்க போவதாகவும் லோகேஷ் பேட்டிகளில் கூறி வருகிறார்.
இந்தப்படத்தின் பூஜை அண்மையில் சென்னையில் நடந்து முடிந்துள்ளது. ஆனால் இதுதொடர்பான புகைப்படங்கள் எதுவும் இணையத்தில் வெளியாகாத வண்ணம் கவனமாக உள்ளனர் படக்குழுவினர். இந்நிலையில் லேட்டஸ்ட் தகவலாக ‘தளபதி 67’ லோகேஷ் கனகராஜ் சினிமாடிக் யுனிவர்ஸ் பாணியில் உருவாகவுள்ளதாக கூறப்படுகிறது.
Bayilvan Ranganathan: நடிகைகளோட பெட்ரூம் பத்தியே பேசுற: பயில்வானை விளாசி தள்ளிய கே. ராஜன்.!
இதனால் விக்ரம் படத்திலிருந்து கமல்ஹாசன், சூர்யா, விஜய் சேதுபதி மற்றும் பஹத் பாசில் ஆகியோரும் கைதி படத்திலிருந்து நடிகர் கார்த்தியும் ‘தளபதி 67’ படத்தில் நடிக்கவுள்ளதாக தகவல்கள் வெளியாகியுள்ளன. மேலும் இந்தப்படம் கேங்க்ஸ்டர் படமாக உருவாகவுள்ளதாகவும் லோகேஷ் கனகராஜ் சமீபத்திய பேட்டியில் தெரிவித்துள்ளார். இந்த தகவல் ரசிகர்கள் மத்தியில் உச்சக்கட்ட எதிர்பார்ப்பை கிளப்பியுள்ளது.
Thunivu: அடுத்த அதிரடிக்கு தயாரான அஜித்: ‘துணிவு’ படத்தின் தாறுமாறு அப்டேட்.!
மேலும் ‘தளபதி 67’ பட பூஜையில் நடிகர் விஜய், இயக்குனர் லோகேஷ் கனகராஜ், திரிஷா, அர்ஜுன், அனிரூத், தயாரிப்பாளர் லலித் குமார் மற்றும் மன்சூர் அலிகான் ஆகியோர் கலந்து கொண்டதாக கூறப்படுகிறது. ‘வாரிசு’ பட ரிலீசுக்கு பிறகு இந்தப்படத்தின் அறிவிப்பு வெளியாகும் என தெரிவித்துள்ளார் லோகேஷ். வம்சி பைடிபல்லி இயக்கத்தில் உருவாகியுள்ள ‘வாரிசு’ வரும் பொங்கலுக்கு வெளியாகவுள்ளது குறிப்பிடத்தக்கது.