அணியில் உள்ள அதிருப்தியாளர்களை இழுக்கும் பணியில்,
தரப்பினர் முழு வீச்சில் களமிறங்கி இருப்பதாக
தகவல் வெளியாகி உள்ளது.
அதிமுகவில் முன்னாள் முதலமைச்சர் ஜெ.ஜெயலலிதா மறைவுக்கு பிறகு, ஒற்றைத் தலைமை உருவாகி உள்ளது. கடந்த 2022 ஆம் ஆண்டு ஜூலை மாதம் 11 ஆம் தேதி, சென்னை வானகரத்தில் நடைபெற்ற பொதுக்குழுக் கூட்டத்தில், கட்சியின் இடைக்காலப் பொதுச் செயலாளராக,
தேர்வு செய்யப்பட்டார்.
இதற்கு கடும் எதிர்ப்புத் தெரிவித்த
மற்றும் அவரது ஆதரவாளர்கள், அதே நாளில் கட்சியில் இருந்து நீக்கப்பட்டனர். இதனால் அதிருப்தி அடைந்த ஓ.பன்னீர்செல்வம், எடப்பாடி பழனிசாமிக்கு எதிராக நீதிமன்றத்தில் முறையீடு செய்தார். இதில் உயர் நீதிமன்றத்தில்
எடப்பாடி பழனிசாமி
தரப்புக்கு சாதகமான தீர்ப்பு வந்தது. இதை எதிர்த்து உச்ச நீதிமன்றத்தில்
ஓ.பன்னீர்செல்வம்
மேல் முறையீடு செய்தார். இந்த வழக்கில் இரு தரப்பு வாதங்களுக்கு பிறகு, தீர்ப்பை தேதி குறிப்பிடாமல் உச்ச நீதிமன்றம் ஒத்தி வைத்துள்ளது.
இதற்கிடையே, அதிமுக தலைமை விவகாரத்தில், மத்திய அரசு கொடுத்த சமிக்ஞை அக்கட்சியில் மீண்டும் பூகம்பத்தை ஏற்படுத்தி உள்ளது. அதாவது, அதிமுக பொதுச் செயலாளராக எடப்பாடி பழனிசாமியை அங்கீகரித்து மத்திய அரசு அனுப்பிய கடிதம், பாஜக மேலிடத்தின் ஆதரவு யாருக்கு இருக்கிறது என்பதை தெள்ளத் தெளிவாகக் காட்டுகிறது.
இந்நிலையில், அதிமுக தலைமை விவகாரத்தில், தன்னால் முடிந்த அளவுக்கு, எடப்பாடி பழனிசாமிக்கு டஃப் கொடுக்க, ஓ.பன்னீர்செல்வம் முடிவு செய்துள்ளதாக தகவல் வெளியாகி உள்ளது. “அதிமுக தொண்டர்கள் கட்சி; அதை யாருக்காகவும் விட்டுக் கொடுக்க முடியாது; கட்சித் தலைமையை தொண்டர்களே முடிவு செய்ய வேண்டும்; கட்சித் தலைமை விவகாரத்தில் முடிந்தவரை போராடுவேன்” என, நெருங்கிய ஆதரவாளர்களிடம் ஓ.பன்னீர்செல்வம் திட்டவட்டமாக தெரிவித்து உள்ளதாகக் கூறப்படுகிறது.
எடப்பாடி பழனிசாமி
அணியில், கட்சிப் பதவி எதிர்பார்த்து கிடைக்காமல் அதிருப்தியில் இருப்பவர்களை தங்கள் இழுக்கும் பணியில், ஓ.பன்னீர்செல்வம் தரப்பினர் முழு வீச்சில் களமிறங்கி உள்ளதாகவும் கூறப்படுகிறது. அதிமுக பொதுக்குழு மேல் முறையீட்டு வழக்கில் உச்ச நீதிமன்றத்தின் தீர்ப்பை ஓ.பன்னீர்செல்வத்தின் அடுத்த கட்ட நடவடிக்கைகள் இருக்கும் என எதிர்பார்க்கப்படுகிறது.